Inuussutissarsiutit Avatangiisit

Mittarfiit tallinneqarnissaannut innersuussutigineqartunut Vittus oqaaseqarsinnaanngilaq

Nuummi Ilulissanilu mittarfiit tallinneqarnissaanut nalunaarusiaq siunnersuisarfimmit Rambøllimit suliarineqartoq nalunaarusiamut allamut ilannngutassatut bilagitut suliaavoq Inuussutissarsiornermut Suliffeqarnermut Niuernermullu Naalakkersuisoq Vittus Qujaukitsoq oqarpoq, taamaattumillu nalunaarusiami innersuussutigineqartut pillugit oqaaseqarsinnaanani.

Allattoq Jaaku Lyberth

aggustip 20-at 2015 12:04

Siunnersuisarfiup Rambøllip nalunaarusiaa Nuummi Ilullissanilu mittarfiit tallineqarnissaannut innersuussaqartoq ippassigami tusarliupparput.

Nalunaarusiaq nalunaarusiamut allamut ilannngutassatut suliaavoq Inuussutissarsiornermut Suliffeqarnermut Niuernermullu Naalakkersuisoq Vittus Qujaukitsoq oqarpoq, taamaattumillu nalunaarusiami innersuussutigineqartut pillugit oqaaseqarsinnaanani.

- Takornariaqanerup ineriartortinneqarnissaannut tunngasortaa, takornariaqarneq periussissaq inatsisartut ukiakkut ataatsimiinneranni sammineqalerpat rambøllip nalunaarusiaa saqqummiunneqartussaavoq taannalu ilanngullugu oqaluuserineqassaaq.

Aamma atuaruk Mittarfiit takinerusut nunatsinnut iluaqutaassapput

Siunnersuisoqarfiup Rambøllip naalunaarusiaani innersuussutigineqarpoq takornariat amerlanerusut tikittarnissaannut iluaqutaasussaammat mittarfiit tallineqassasut. Innersuussutigineqartut malinneqassasut Vittus Qujaukitsup qulakkeerlugu oqaatigisinnaanngilaa.

- Rambøllip nalunaarusiaa ilanngutassatut bilagitut ingerlavoq aamma uagut takornariaqarneq pillugu periussasutut siunnersuummut saqqummiussassatsinnut oqaluuserisassatut ilannguneqartussaavoq, Vittus Qujaukitsoq oarpoq.

Rambøllip nalunaarusiaani takorniariat maannakkut tikittartut marloriaammik amerlisimassapput, tasssalu 26.000nit 61.000nut amerleriarlutik billitsillu akii 30 procentinik akikillissallutik.
Rambøllip nalunaarusiaa takornariaqarneq pillugu Inuussutissarsiornermut Naalakkersuisoqarfimmit suliakkiutigineqarpoq, mittarfiit tallineqarnissaannut misissuisitsinermut atatillugu nalunaarusiap ilaattut. Nuummi Ilulissanilu mittarfiit tallineqarnissaannut atatillugu suleqatigiissitamik missisueqqissartumik sulisoqarpoq takkua Inussutissarsiornermut aamma Aningaasaqarnermut kiisalu Attaveqarnermut Naalakersuisoqarfimmit pisuupput.
Taakkua sulinerat naammassippat Nuummi Ilulissanilu mittarfiit qanoq takitigusumik tallineqassanersut paasineqassaaq.

- Nalunaarusiaq takorniaqarneq pillugu periusissaq inatsisartut ukiakkut ataatsimiinneranni saqqummiunneqassaaq tassanilu naatsorsuinerit nalilersuinerit periarfissat inassuteqaatillu assigiingitsut takornariaqarnermut tunngasortai saqqummiunneqassallutik, Vittus Qujaukitsoq taama oqarpoq.