Nuummi atuarfiup ikuallannera pappilissamit aallaaveqarpoq
![](/sites/default/files/styles/image_934x467/public/article_images/308499098_1488943244907436_6774017346028331826_n.jpg?itok=cdpCTOh-)
Nuummi Kangillinnguup atuarfiani klassit ilaat novembarip aallaqqaataani ikuallappoq.
Ikuallanneq meeqqat anitsiarnerisa nalaani pivoq.
Ikuallannermut suna aallaaviunersoq politiinit qatserisartunillu misissuiffigineqarpoq, taakku misissuinerminni ikuallattoorneq nillataartitsiviup kallerup innerata ikkuffiatigut ajutoornikkut aallaaveqassangatinneqaqqaaraluarpoq.
AAMMA ATUARUK Nuummi atuarfiup ikuallalerneranut pissutaasoq ilisimaneqanngitsoq
Nalunaarut naapertorlugu nillataartitsivimminngaanneernanilu kallerup iineraninngaanniinngitsoq, Kalaallit Nunaanni politiit ilisimatitsipput.
Ikuallanneq allarutissianik pappilissanut nivinngaavikkut siaruaassimassasoq misissuinermi paasineqarpoq.
Allarutissianilli nivinngaavimmiit ikuallanneq qanoq pilersimanersoq, misissuiffigineqarani, tusarniaaffigineqaranilu nassuiaatissartaqanngilaq. Taamaammat piaaraluni ikuallatsitsisoqarsimanersoq Kalaallit Nunaanni politiinit mattussinnaanngilaat.
Ikuallanneq qanoq aallaaveqarnersoq suli qulakkiivinneqanngimmat suliamut tunngatillugu paasissutissanik takkuttoqarpat, suliaq ammaqqinneqassaaq.
Ikuallattoqarnerani meeqqanik inersimasunillu ajoqusertoqanngilaq.