Nuummi arnaq 36-nik ukiulik savimmik kapineqarnermi kingorna toquvoq
Nuummi arnaq 36-nik ukiulik savimmik kapineqarnermi kingorna tallimanngornermi unnukkut toquvoq.
Kalaallit Nunaanni politiit tusagassiuutinut nalunaaruteqarlutik ullaaq allapput.
Arnaq Nuummi najugaqarfimmi savimmik kapineqarsimasoq pillugu politiit ippassaq unnukkut 21:52 nalunaarfigineqarput.
Tamatuma kinguninngua politiit najugaqarfimmut anngukkamik arnaq annaanniarlugu ikioqqaarnermik suliaqarput.
Arnaq taanna napparsimmavissuarmut Dronning Ingridip napparsimmavissualiaanneqarnermi kingorna toquvoq.
Arnap toquneranit akunneq ataaseq affarlu qaangiummat tassa unnuap qeqqanut qiteqqummat, angut 28-nik ukullik politiinit tigusarineqarpoq,
Angut 28-nik ukiulik maanna nalunaaqutaq marlunut, Nuummi Eqqartuussivimmi Sermersuumi sassartinneqarpoq, inatsit tunngaviusoq naapertorlugu killisiorneqarluni.
Suliami misissuisoqarnera pissutigalugu Kalaallit Nunaanni politiit annertunerusumik paasissutissiisinnaanngillat.
