Nuummi apummik ilusilersuinermi unammisuni uku ajugaapput

Nuuk Snow Fest, apummik ilusilersuilluni unammisut 15-it akornanni apummik ilusilersuillaqqinnerpaat sisamat sapaammi toqqarneqarput.
Iligiit Norden Nuuk Snowfest 2023-imi Qaqqat Naalagaat ilusilersoramikku ajugaapput. Assi © : Rune Hvistendal Kristiansen/KNR
Iligiit Nordens ilusilersugaat "Qaqqat Naalagaat" ima isikkoqarpoq. Assi © : Rune Hvistendal Kristiansen/KNR
Iligiit Balkkansikkut ilusilersorpaat "Nappaasilat", taakku ajugaasut aappaattut inissipput. Assi © : Rune Hvistendal Kristiansen/KNR
Iligiit The Dream Teams ilusilersorpaat tupilaap niaqua, taakku ajugaasut pingajuattut inissipput. Assi © : Rune Hvistendal Kristiansen/KNR
Iligiit Lækkelækkut oqaluttuat ilusilersopaat. Assi © : Rune Hvistendal Kristiansen/KNR
Iligiit Funky siku ilusilersorpaat . Assi © : Rune Hvistendal Kristiansen/KNR
Iligiit ART'tic kiinarpaat ilusilersorpaat. Assi © : Rune Hvistendal Kristiansen/KNR
Iligiit Tunissut taaguuserneqanngitsumik ilusilersuipput. Assi © : Rune Hvistendal Kristiansen/KNR
Iligiit PK arsarnerit ilusilersorpaat. Assi © : Rune Hvistendal Kristiansen/KNR
Iligiit NAPA Maliina Aningaarlu ilusilersorpaat. Assi © : Rune Hvistendal Kristiansen/KNR
Iligiit But Baby It's Cold Outside orpiit ilusilersorpaat. Assi © : Rune Hvistendal Kristiansen/KNR
Iligiit Klub Kalaaleq Paamiut ikioqatigiinneq ilusilersorpaat. Assi © : Rune Hvistendal Kristiansen/KNR
Iligiit Taniwha "Yellowknife" ilusilersorpaat. Assi © : Rune Hvistendal Kristiansen/KNR
Iligiit The Snow Must Go On "The Kraken: There's Snow Way Out" ilusilersorpaat. Assi © : Rune Hvistendal Kristiansen/KNR
Iligiit Nordstjernen iglo ilusilersorpaat. Assi © : Rune Hvistendal Kristiansen/KNR
Iligiit Inuuneq Navaranaaq ilusilersorpaat. Assi © : Rune Hvistendal Kristiansen/KNR
Allattoq Marie Kûitse Kristensen, Marie Kûitse Kristensen
marsip 05-at 2023 18:20

Nuummi Nuutoqqami sisamanngormalli apummik ilusilersuisoqalerpoq, apummi ilusilersuisut 15-it suliaminnik kusanarneqqusaallutik unammipput. Nuuk Snow Festimi ajugaasut sapaammi suaarutigineqarput. Unamminermi oqaluttuatoqqat unikkaallu sammineqarpoq.

Ajugaasut tassaapput iligiit Norden, taakku Qaqqat Naalagaat aallaavigalugu ilusilersuipput.

Taakku sammisamut tulluuttumik ilusilersuisimaneri naliliisup “kusanartumik, suliarilluakkamik eqqarsaatigilluakkamillu” ilusilersorneqarsimasutut tunngavilersuutigaa. Ilusilersugaq meeqqanittaaq alutorsaatigineqaqaaq, sisorarfigineqarsinnaammammi meeqqat sisuniarlutik siuleriiaallutik utaqqipput.

Ajugaasut tullii isiginnaartunit ajugaasutut aamma toqqagaapput, taakku iligiit Balkkanimik imminnut taasimapput, oqaluttuatoqqaninngaaneersorlu nanorsuaq  “Nappasilat” apummik ilusilersorsimavaat. Taakku isiginnaarianit 307-usunit 65-init toqqarneqarput.

Pingajuattut inissittut tassaapput iligiit The Dream Teams, taakku tupilaap niaqorujussuanik ilusilersuisimapput.

Snow Fest 2023-imi eqqugassat

Eqqugassat annersaat:

 

  • Air Greenlandimi inunnut sisamanut tamanut 3000 koruunip nalinganut angalanissamut gavekort.
  • Grønlandsnbankenimiit 5.000 koruunit.
  • Vinslottemiit koori 1.000 koruunip nalinganut assigiinngitsunik imalik aamma puiaasaq Chardonnay Magnum.
  • IQ Naasuniit naasut.

 

Eqqugassap annerup tillia:

  • Air Greenlandip qulimiguutaanut inuit sisamat ilaallutik Sermitsiamukarneq.
  • Qiviup ApS-imiit umimmaat qiviuinik qungasequtit sisamat.
  • Vinslottemiit koori assigiinngitsunik 500 koruunik nalinganut imalik.
  • IQ Naasuniit naasut.

 

Eqqugassap pingajuat:

  • Air Greenlandip qulimiguutaanut inuit sisamat ilaallutik Sermitsiamukarneq.
  • Naluttarfimmut Malimmut gavekortit tunissutisiassallu arfineq pingasut
  • Vinslottemiit koori assigiinngitsunik 500 koruunik nalinganut imalik.
  • IQ Naasuniit naasut.

 

Isiginnaartut toqqagaannik ajugaasut:

  • Nuuk Water Taxinut ilaalluni Nuup kangerluanut inunnut arfinilinnut akunnernik marlunnik angalaarneq (3.700 koruunit nalinganut)
  • Air Greenlandimiit tunissutisiassat.
  • Milik Publishingimiit atuakkat.
Allisiguk

 

Unammeqataasut silagissioqaat unammillernartortaqalaarsimavorli

Ukioq manna Snow Fest iluatsilluaraluartoq, ingerlanneqarnerani ernumanartorsiorfiulaarsimasoq apummi ilusilersuisoqarnerani suliniummi aqutsisoq, Alberte Parnuuna oqarpoq.

Nuummi sila kissariapiloornerani unamminerup nalaani aput aannissaa ernummatigineqaleraluarpoq. DMI-mmi silasiutaa naapertorlugu arfininngornermimi ullaap tungaani 15-inik kiappoq.

- Unamminerup ingerlanneqarnera nuanneqaaq, inuit nuannisaqaat silali ilungersunartorsiortitsilaaleraluarpoq, Alberte Parnuuna oqarpoq.

Silali kissatsikkaluartoq apummi ilusilersuineq pilersaarut malillugu naammassineqarpoq.

- Inuit nuannisaaqaat, qiviakkat qungujulasut, unammisut silamut akerliunatik atugassarititat naammagalugit ilusilersuinertik ingerlatiinnarsinnaammassuk pikkoreqaat.

Apummilli ilusilersuileruttornerup nalaani apuserisut ilaat ambulancenit tallimanngormat ualinerani aaneqartariaqarsimavoq, taanna apummi ilusilersuiffimminiit nakkarpoq. Taannali ajoqusersimanngilaq.

Apummi ilusilersukkat Nuummi Nuutoqqami sapaatip akunnerata missaa uninngatinneqassapput, kikkunniillu tamanit alakkarneqarsinnaallutik.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk

Ritzau

Zelenskyj: Ukraine isumannaallisaaneq pillugu USA-mik isumaqatigiissussiornissamut piareersimavoq

Politiit ullormut nalunaarutaat: Angut ikiaroornartumik timiminiititalittut pasisaalluni tigummigallagaavoq

Illersornissaq pillugu immikkut ilisimasalik: Ilulissaniit nalunaarutip siunertaa isumaarussinnaasoq