Zelenskyj: Ukraine isumannaallisaaneq pillugu USA-mik isumaqatigiissussiornissamut piareersimavoq
Ukraine isumannaallisaaneq pillugu USA-mik isumaqatigiissussiornissamut piareersimavoq.
Ukrainep præsidentia Volodymyr Zelenskyj, USA-p Ukrainemut tunngasuni immikkut sinniisuutitaa ataatsimeeqatigereerlugu inoqatinut attaveqaqatigiitarfikkut X-ikkut taama allappoq.
Immikkuualuttorpassuit oqallisigineqarlutillu oqallinneq angusaqarfiulluartoq Zelenskyj-p oqaatigaa, nangillunilu oqaatigaa sorsuffimmi pissutsit atuuttut, sorsunnermi tigusarineqarsimasut sillimaniarnikkullu qulakkiigassat oqaloqatigiinnermi eqqartorneqartut.
Ukrainep USA-llu akornanni pissutsit ulluni makkunani ilungersunartuugaluarput, USA-mmi præsidentiata Donald Trumpip inoqatinut nammineq attaveqaqatigiittarfimmini Truth Socialimi Zelenskyj kisermaassilluni qanittukkut aqutsisuuneraramiuk, qinersisitsinnginnerartarlugulu.
Zelenskyj-p Trump paasissutissat eqqunngitsut silarsuaanni, Ruslandip pilersissimasaani inuunerarlugu qanittukkut oqaatigaa, Trumpillu Zelenskyj kisermaassilluni aqutsisuusoq kingorna oqaatigaa.
