Nuummi akiuussutissamik kapitikkiartortut ikittunnguusut: Kapitikkiartornissat puiorpiuk?

Coronamut Nuummi akiuussutissalertinnissamut aggersagaasut 62 procentiinnaat ippassaq marlunngornermi takkupput.

Nunatta nakorsaanera Henrik L. Hansen taama oqaluttuarpoq.

- Nuummi takkuttut amrlanngillat. Taamaammat kikkut maanna akiuussutissalerneqarnissamut neqeroorfigineqarnerannit nalunaarutigut eqqaasitsissutigerusupparput, nunatta nakorsaanera oqarpoq.

AAMMA ATUARUK Akiuussutissalersuinerit ingerlapput: Sumiiffinni ukunani kapuisoqassasoq

Nuummi 65-iniit qummut ukiullit coronavirusimut akiuussutissinneqarnissamut ulluni makkunani periarfissinneqarput.

Akiuussutissamik kapuinerit Ukaliusap atuarfiata (USK-ip) eqaarsaartarfiani ingerlanneqarput.

Akiussutissamik kapuinissamut ulloq alla periarfissaatinneqassasoq

Nunattalu nakorsaanerata amerlanerusut takkunnissaat neriuutigaa.

- Ukioqatigiiaat allallu akiuussutissalerneqarnissamut qaqugu neqeroorfigineqassanersut Facebokimi allappugut, tusagassiutinut nalunaaruteqarpugut aamma bussit unittarfiini allagartarsualersuivugut, nunatta nakorsaanera oqarpoq.

AAMMA ATUARUK Akiuussutissat AstraZenecameersut Danmarkimut tikipput

Illit ippassaq akiuussutissalerneqartussaasimagaluaruit, takkunnalli, taava peqqinnissamut saaffiginnissanngilatit.

Taarsiullugu ullormik akiuussutissalersuiffeqassaaq, tassanilu kapitissinnassaaatit.

Ulloq immikkut akiuussutissalersuiffiusussaq piffissami qaninnermi nalunaarutigineqassasoq, Henrik L. Hansen oqarpoq.