Akiuussutissalersuinerit ingerlapput: Sumiiffinni ukunani kapuisoqassasoq
Marsip aallaqqaataat 1956 sioqqullugu inuusimavit Nuummilu inuit allattorsimaffianni nalunaarsoqqallutit, imaluunniit januaarimi siullermeertumik akiuussutissamut kapitippit, taama ulluni makkunani kapitinnissamut periarfissaqarputit.
Naalakkersuisut tusagassiuutinut nalunaarummi ullumi allapput.
AAMMA ATUARUK Akiuussutissat nassiussat tulliit nunatsinnukaanneqalersut
Akiuussutissamik kapuineq Ukaliusap atuarfiata eqaarsaartarfiani ingerlanneqassaaq.
Nunatsinni akiuussutissalersuineq
- Akiuussutissat puiaasaarakkat nassiussat siulliit 1305-iupput. Taakkua ukiortaap kinguinnngua tikipput.
- Nassiusst tullii puiaasaaqqat 975-iupput. Taakkua sapaatit akunnerisa aappaanni tikipput. Taakkunannga Qaqortumi, Aasianni Sisimiunilu inutaasut peqqinnissaqarfimmilu salliullutik sulisut kapineqarput.
- Nassiussat pingajui aamma puiaasaaqqat 975-iupput.
- Akiuussutissaq – 70 gradip aamma -80 gradip akornanni nillertigisumiitinneqassaaq. Taamaammat assartoruminaappoq.
- Akiuussutissaq, akuerineqarluni nunatsinnut nassiunneqartussaaq, tulleq amerikamiut nakorsaasiorfiata Moderna ineriartortitaraa.
Akiuusutissat allat takkutissasut
Nunarput Pfizer/BioNTechimit akiuussutissanik poortanik katillugit arfineq pingasuusunik sapaatip akunnera 13 ilanngullugu pissarsiarinissmik naatsorsuuteqartoq, Naalakkersuisut aamma paasissutissiipput.
Tamannali peqqinnissamut aqutsisoqarfimmit suli uppernarsarneqanngilaq.
AAMMA ATUARUK Akiuussutissat AstraZenecameersut Danmarkimut tikipput
Akiuussutissat pilersaarut malillugu illoqarfinni tikerarfiunerpaani innuttaasunut 65-init qummut ukiulinnut nunatsinnilu allattorsimasunut atorneqassapput.
Illoqarfinni aalajangersimasuni akiuussutissamik kapuisoqarnissaanut sapaatip akunneraannanngoraangat sumut qaqugukkullu saaffiginnittoqassanersoq oqartussat nalunaarutigisassavaat.
Nuuk Qeqertarsuatsiaallu
Nuummi innuttaasut utoqqaat aamma peqqinnissaqarfinni paaqqutarinniffinnilu sulisut sapaatip akunnerata tulliani aappassaanik kapitissapput.
Tamatuma saniatigut Qeqertarsuatsiaani innuttaasut 16-ileereersimasut aamma akiuussutissamik kapineqassallutik. Qeqertarsuatsiaani akiuussutissamik kapuineq sapaatip akunnerata tulliani marlunngornermi (februaarip 16-iianni) unnukkut ingerlanneqassaaq.
AAMMA ATUARUK Islandimi coronamut akiuussussersimanermut uppernarsaat atuutilersoq
Paamiunilu akiussutissamik pingasunngornermi ualikkut kapuisoqassalluni.
Paamiuni innuttaasut 65-init qummut ukiullit, paaqqutarinniffinni najugaqartut kiisalu peqqinnissaqarfimmi paaqqutarinniffinnilu sulisut akiuussutisserneqassapput.
