Nuummi ajutoortoqareernerani inuit marluk ajoqusersimasut nakorsiartarfiannukaanneqartut
Aqqusineq quasaqisoq uuliaqarnersoq allamilluunniit soqarnersoq qatserisartut misissorpaat.
Ajutoorneq naluttarfiup ikuallaaviullu ungasinngisaani pivoq, tassa qatserisartoqarfiup ungasinngisaani Borgmester Anniitap Aqqusernaniit Qinngorput tungaanut.
Allattoq Christine Hyldal
januaarip 23-at 2024 16:48
Nuummi aqqusinermi ajutoortoqarnerata kingunerisaanik inuit marluk ajoqusersimasut nakorsiartarfiannukaanneqarput.
- Nalunaaqutaq 15.47 ajutoortoqarsimaneranik nalunaarfigineqarpugut, Kalaallit Nunaanno Politiit piaartuisa ittuat, Preben Kleist KNR-imut oqarpoq.
Aqquserngup quasannerujussua pissutigalugu ambulancet, qatserisartut politiillu ajutoorfiusumiipput. Uulia, nillusaat allaluunniit quasatitsisinnaavoq.
- Qatserisartut maanna misissuileruttorput, Preben Kleist nal. 16:15 oqarpoq.
Ajutoorneq naluttarfiup ikuallaaviullu ungasinngisaani pivoq, tassa qatserisartoqarfiup ungasinngisaani Borgmester Anniitap Aqqusernaniit Qinngorput tungaanut.
