Hovep suliai saqqummersinneqartut soqutigineqarluartut
Eqqumiitsuliat Københavnimi Illu Atlantikumi, Bornholmimilu eqqumiitsulianik katersugaasivinni saqqummersinneqareerlutik Nuummi saqqummersinneqarmata inuit 150-it missaaniittut takkupput.
Anne-Birthe Hovep inuunermini eqqumiitsuliaaniit 2012-imi toqunissani tikillugu suliai assigiinngitsut saqqummersinneqarput.
Kalaallit eqqumiitsuliaanni paasisinnaasatsinniit Anne-Birthe Hove isumaqarnerusoq, Nuummi eqqumiitsulianik katersugaasivimmi pisortaq ammaanersiornermi Nivi Christensen oqarpoq.
Anne-Birthe Hovep eqqumiitsuliai nipikitsumik nilliaateqartutut isigaakka. Nipaarsaarpoq. Kalaallilli eqqumiitsuliaannut piorsarsimassusaannullu naqissusiilluarpoq - naqissusiineq tamaviat paasisinnaanavianngisarput. Ilaappulli, pingaaruteqarpullu, Nivi Christensen, saqqummersitsinermi oqalugiaateqarnermini oqarpoq.
Aamma atuaruk Anne-Birthe Hovep suliaanik Københavnimi saqqummersitsisoqalersoq
Aamma atuaruk Anne-Birthe Hovep eqqaamaneqarnera qulakkeerneqassaaq
Aamma atuaruk Anne-Birthe Hove toquvoq