Coronavirusimik tunillanneqarsimasoq Qeqertaalummi Mittimatalimmi nassaarineqartoq, Nunavummi peqqissutsimut aqutsisoqarfiup pisortaata Dr. Michael Pattersonip oqaatigaa.Assi: David Jackson/Reuters/Ritzau Scanpix

Nunavummi coronavirusimik tunillanneqarsimasoq siulleq siumorneqartoq

Kisianni uivertoqartariaqanngitsoq, Nunavummi naalakkersuisut siulittaasuata Joe Savikataap oqaatigaa.

Nappaammik Covid-19-imik tunillanneqarsimasumik Nunavummi maannamut nassaartoqarnikuunngilaq, ataaserli tunillanneqarsimasoq Nunavummi naalakkersuisut tusagassiutinut nalunaarutigaat.

Coronavirusimik tunillanneqarsimasoq Qeqertaalummi Mittimatalimmi nassaarineqartoq, Nunavummi peqqissutsimut aqutsisoqarfiup pisortaata Dr. Michael Pattersonip oqaatigaa.

Coronavirusimik Nunavummi tunillanneqarsimasumik siumuisoqarnissaa anigorneqarsinnaanngitsoq taanna oqarpoq.

Nunavummit Nunavummullu angallannermik suli killilersuisoqangaatsiarpoq, taamaallaat assartuisoqarlunilu pisariaqavissunik angallassisoqarsinnaalluni. 

AAMMA ATUARUK Corona:Nunatsinnut tikittut tamarmik ullut tallimat qaangiukkaangata misissortittassapput

Uivertoqartariaqanngitsoq, Nunavummi naalakkersuisut siulittaasuata Joe Savikataap tusagassiutinut nalunaarummi erseqqissaatigaa, coronavirusillu Mittimatalimmut 1600-nik inulimmut anngunneranut atatillugu inunnik allanik pisuutitsiniartoqassanngitsoq. 

- Inuiaqatigiinni taarsiullugu ikorfartoqatigiissaagut, Savikataaq erseqqissaavoq. 

- Virusip anngussinnaanissaanut qujanartumik piareersarsimavugut, ikiuigasuartussanillu upalungaarsimasuutitat - Rapid Response Team - Mittimatalimmukartilerpavut, nunaqarfimmik sutigut tamatigut tapersersuisussanik ornigutsitsilluta, Joe Savikataaq oqarpoq. 

Isummersuutit