Corona:Nunatsinnut tikittut tamarmik ullut tallimat qaangiukkaangata misissortittassapput

Kalaallit Nunaanni sapaatit akunnerini arlaqalersuni coronavirusimik tunillatsittoqanngilaq - taamatullu ingerlaannarnissaa kissaatgineqarpoq. 

Kalaallit Nunaannukarnissaminnut akuerisaasut -ingammmik suliartortut amerlisimanerat pissutaalluni, taama piumasaqaateqartoqarpoq.

AAMMA ATUARUK Nakorsaaneqarfik coronaviruseqaqqilernissaanut: Piareersaannaavippugut

Danmarkiminngaannit Kalaallit Nunaannut aallannginnermi coronavirusimut misissortinnissamut piumasaqaateqarneq ullumi maajip ulluisa sisamaanniit atuutilernerata saniatigut Kalaallit Nunaannut tikinnermit ullut tallimat qaangiukkaangata aamma misissortittoqartassasoq, Naalakkersuit taama nalunaaruteqarput.

- Kalaallit Nunaannut angalasut amerlinerat peqatigalugu tunillatsittoqaqqinnissaanut aarlerinassuseq annertusissaaq, nappaalasoqalernissaanillu pinaveersaartitsinermi sakkussarput ataaseq tassaavoq Kalaallit Nunaannut angalasut annertunerusumik misissuiffigisarnissaat. Allanut tunillaassuinnginneranni nassaarerusuppavut, nakorsaaneq Henrik L. Hansen oqarpoq. 

Nunaqarfinni misissortinnissamut periarfissaanngitsoq

Angalasut tikinnerminniit ullut tallimassaani najukkami peqqissaaveqarfimmut imaluunniit napparsimmavimmut coronavirusimik nappaateqarnerlutik misissortikkiartussapput

Nunaqarfinni coronavirusimut misissortittoqarsinnaanngilaq Kangerlussuaq eqqaassanngikkaanni.

Taamaattumik nunaqarfinnut angalasut pisortanit kaammattorneqarput nunaarfiliannginnerminni illoqarfimmi qaninnermi ulluni tallimani angerlarsimaffimmiiginnarnissaannik

Kalaallit Nunaannut angalasut tikinnerminnit ulluni 14-ni angerlarsimaannarnissamik piumasaqaat sui atuuppo