Assi: Nick Rahaim/Flickr Creative Commons

Nunatta Savalimmiullu aalisarneq pillugu isumaqatigiissutaat sivitsorneqartoq

Nunatta Savalimmiullu akornanni atorfilittatigoortumik Københavnimi ulluni marlunni isumaqatigiinniartoqareersorlu illuatungeriit isumaqatigiissutigaat maannakkut isumaqatigiissutaasoq aammattaaq 2018-imut atuuttussanngorlugu sivitsorneqassasoq.

Tamanna isumaqarpoq Nunarput 2018-imi Savalimmiunit saarullernanik 13.000 tonsinik pissarsissasoq, taamatullu Nunarput Savalimmiut imartaanni NEAFC-mut pisassiissutinit pisassaminik 7.515 tonsinik aamma aalisarsinnaassasoq.

Savalimmiut taamaalillutik Nunatta imartaani qaleralinnik, saarullinnik kiisalu Tunup imartaani tinguttuunik saattuanillu pisassatik pigiinnartussanngorpaat.

Kilisaataatillit Nunatsinneersut namminersorlutillu inuussutissarsiortut sinniisui isumaqatigiinniarnernut peqataasut Aalisarnermut Piniarnermullu Naalakkersuisoqarfik peqatigalugu naliliipput Savalimmiunut aalisarneq pillugu isumaqatigiissut assut naammagisimaarnartoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat