Nunatta Qitornaasa Løkkep naalakkersuisui tapersersussavai
Aleqa Hammond Folketingimi aqagumiit attaviitsuujunnaarluni, Nunatta Qitornaanut sinniisutut ingerlaqqinniarpoq.
Hammond Facebookimi taama allappoq.
Nunatta Qitornaasa siulittaasuata Vittus Qujaukitsup tamanna KNR-imut uppernarsarpaa, oqarluni Folketingimi sinniisuutitaqalernissartik pillugu partii Folketingip Siulittaasoqarfianut saaffiginnissimasoq.
AAMMA ATUARUK Aleqa Hammond Inatsisartunut ilaasortanngunngitsoq
Folketingimi Kalaallit Nunaat pillugu ataatsimiititaliami siulittaasuuffik Venstrep Aleqa Hammondimut 2016-imi tunniuppaa. Taama isumaqatigiissuteqarnermi Hammond neriorsuivoq naalakkersuinikkut aalajangigassani akerliulluni taasisassanngitsoq, taamaalillunilu naalakkersuisut uppisinneqarnissaraluat pinngitsoortissallugu.
Taamalilluni kalaallit namminersulerusuttut partiiata VKLA-mi naalakkersuisut naalagaaffeqatigiinnermik attassiinnarusuttut tapersersulerlugit.
AAMMA ATUARUK Partiiaqqat tamarmik Inatsisartut sinniiseqassapput
AAMMA ATUARUK Aleqa Hammond ataatsimiititaliami pisortatigoortumik siulittaasunngortinneqalersoq
