Assi: Siumut Folketingimi

Aleqa Hammond ataatsimiititaliami pisortatigoortumik siulittaasunngortinneqalersoq

Folketingip Kalaallit Nunaannut tunngasunut ataatsimiititaliaani aqagu pingasunngornermi ataatsimiittoqalerpat, Aleqa Hammond siulittaasutut pisortatigoortumik ivertinneqassaaq.

Danmarkimi pissutsit pillugit danskit naalakkersuisuisa uppitinneqarfigisinnaasaanni akerliulluni taaseqataannginnissamik neriorsuisillugu Venstrep siulittaasuuffimmik Aleqa Hammondimut decembarip qaammataani tunniussinerata kingorna tamanna pisussanngorpoq.

Danskillu naalakkersuisuisa taamatut isumaqatigiissuteqarnermikkut Folketingimi ilaasortaaffik ataaseq qulakkeerpaat.

AAMMA ATUARUK Kalaallimik pisivugut

Aaja Chemnitz Larsenip Inuit Ataqatigiinneersup siulittaasup tullinngornissaa naatsorsuutigineqarpoq. Taanna kalaallit Folketingimi partiini saamerlerni sinniisutuarilerpaat, Aleqa Hammondilu siulittaasup tulliatut taarsissallugu.

Aleqa Hammondip Venstrellu decembarip qaammataani taamatut isumaqatigiissuteqarnerat Christiansborgimi partiinit allanit tupaallaatigineqartupilussuuvoq.

AAMMA ATUARUK Aleqa Hammond Nunarput pillugu ataatsimiititaliami siulittaasunngortoq

Isumaqatigiissullu danskit akileraartarnermut ministeriata Karsten Lauritzenip Venstremeersup kingorna katerisimaarnermi matoqqasumi oqaasertalerpaa "kalaaleq pisiarigatsigu". Taamatullu oqaaseqarnini kingorna ajuusaarutigaa, aamma Aleqa Hammondimut.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat