Ministeri: Kalaallimik pisivugut

Danmarkimi naalakkersuisut, Aleqa Hammondip Folketingip Kalaallit Nunaannut tunngasunut ataatsimiititaliami siulittaasutut ivertinneqarneratigut nukittorsarneqartut, Danmarkip akileraartarnermut ministeriata Karsten Lauritzenip aviisimut Dagbladet Holstebro Struerimut oqaatigaa, Kalaallit Nunaatami Folketingimut ilaasortaatitaasa aappaannit maanna tunuliaqutserneqaramik.

AAMMA ATUARUK Løkkep paarlaaqatigiinnikkut talerperliit amerlanerussuteqarnerulersippai

Danmarkimi naalakkersuisut, Aleqa Hammondimit suli tunuliaqutserneqannginnertik sioqqullugu illuatungiliuttunut naleqqiullugu ataasiinnarmik amerlanerussuteqartut, akileraartarnermut ministerip oqaatigaa, partiillu talerperliit amerlanerussuteqaqqalaarnertik taamaammat annaasinnaagaluaraat oqaatigaa.

- Kalaallimilli "pisiaqarnitsigut" tapersersuisut 91-issaat qulakkeerparput. Kalaallit Nunaannit ilaasortat aappaat Folketingip Kalaallit Nunaannut tunngasunut ataatsimiititaliaani siulittaasunngortipparput, taamaaliornikkut suliani pingaarutilinni naalakkersuisunut akerliusumik taasisannginnissaa qulakkeerlutigu. Taava neriuutigiinnassavarput allat pilerinarnerusumik neqerooruteqassanngitsut, Karsten Lauritzen, partiip Venstrep Lemvigimi ukiortaarsiortinneqarnerani Dagbladet Holstrebro Struerimut oqarpoq.

AAMMA ATUARUK Partiit saamerliit Aleqa Hammond suleqatigiunnaaraat