Qinersineq: Partiiaqqat tamarmik Inatsisartut sinniiseqassapput
Partiit tamarmik Nunatta Inatsisartuini ilaasortaatitaqalissapput.
Atassut 5,9 procentinik taaguunbneqarlutik marlunnik ilaasortaatitaqassapput, partiit nutaat marluk, Suleqatigiisitsisut Partiiat aamma Nunatta Qitornai, tamarmik immikkut atatsimik ilaasortaatitaqassasut.
Atassummi siulittaasoq Siverth K. Heilmann aamma Aqqalu Jerimiassen ilaasortanngorput.
Suleqatigiisitsisut Partiiannik pilersitsisup siulittaasullu, Michael Rosingip, partiip inissaa ataaseq Tillie Martinussen-imut tunniuttariaqarpaa, taanna 480-inik taaguunneqarmat.
AAMMA ATUARUK Siumup ajugaanera Olsvigip nassuerutigaa
Nunatta Qitornaasa pilersitsisuat siulittasuallu, Vittus Qujaukitsoq, 634-init taaguuneqarluni partiimi kisiartalluni ilaasortanngusssaaq. Partiip ilisarnarluartortaata aappaa, Aleqa Hammond, 171-iinarnit taaguunneqarluni qinigaanngitsoorpoq.
