Nutartigaq Futsallimik nunanut allanut unammisartut ajugaanniutivinnermi ajorsartut

Nunarput sinnerlugu unammisartut Tjekkiami U-21-ni nunanut allanut unammisartunut, arfininngormat ajorsarfigisaminnut, unammilluarput.

Muminnerummi siorna 4-3-mik siuarsimariarlutik 8-4-mik ajugaapput. Taamalu ajugaanerat naleqquttoq, isiginnaartup, Arne Hermannip, radioavisimut oqaatigaa.

- Unammineq sakkortoorujussuuvoq. Kalaallit Nunaat saassussisaqattaarluni sukkasuumik aallartippoq. Tamannalu pissutigalugu 40 sekundiinnarni unammisoqareersoq Frederik Funch ajuuppoq, Nunarpullu 1-0-imik siuarluni, Arne Hermann oqarpoq.

Aamma ajuutsitsinaveersaartut unammilluartut, målmandilu Loqi Svane pingaarutilinnik unitsitsillattaartoq, Arne Hermann oqaluttuarpoq.

Malik Juhl sisamariarluni ajuuppoq, Frederik Funch marloriarluni ajuulluni, Phillip Holmene Nukannguaq Zeebilu ataasiarlutik ajuullutik.

Nunattalu nunanut allanut unammisartui Tjekkiami arsaattartoqatigiinnut Plzenimut ajugaanniutivinnermi akunnialunnguit matuma siorna unammipput.

Ajugaanniutivinneq piffissaliussami 4-4-mik inerneqarmat, ajugaasoq isertitseriarnernit aalajangiunneqartussanngorpoq.

Tassanilu tjekkiamiut ajugaapput, tassalu pissartanngorlutik, Nunarpullu normu 2-tut inissilluni.