Assi: KNR // Helle Nørrelund Sørensen

Nunatta Danmarkillu akornanni oqaloqatigiinnerit illersornissamut ministerip pitsaanerunerarai

Nunatta Danmarkillu naalakkersuinikkut attaveqaqatigiinnerat pitsaanerulernikuuvoq. Qallunaat illersornissamut ministeriat Claus Hjort Frederiksen taama oqarpoq.

Kalaallit Nunaata Danmarkillu naalakkersuinikkut attaveqaqatigiinnerat ajunngivissumik ingerlasoq isumaqarpunga. Taamaattuaannarnikuunngilaq, illersornissamut ministeri oqarpoq.

Nunatta Danmarkillu naalakkersuinikkut attaveqaqatigiinnerat arlaleriarluni ilungersunartorsiortarpoq. Tamanna ilaatigut Aleqa Hammondip Naalakkersuisunut siulittaasuunerani nunatta Issittumi Siunnersuisoqatigiinni inissisimanera pillugu taakku ataatsimiinnerini, aamma nunatsinni USAp sakkutooqarnikkut qimatai pillugit oqallissutaapput.

AAMMA ATUARUK Ilisimatusarfik nutaaq Issittumilu nakkutiginninnerulerneq

Qanittukkut, tassa 2017-imi, taamani Nunanut Allanut Naalakkersuisoq Vittus Qujaukitsoq Naalagaaffiit Peqatigiinnut maalaaruteqarpoq Danmarkip Nunatsinni avatangiisit pillugit akisussaaffini sumiginnarsimagaa oqaatigalugu, tassa USAp sakkutooqarnikkut nunamiissimanerata kingunerisaanik. Sivitsunngitsoq maalaaruteqarneq tunuartinneqarpoq, taamaattorli Danmarkip Naalagaaffiit Peqatigiinnit assuarliuteqarfigineranik kinguneqarluni.

AAMMA ATUARUK Naalagaaffeqatigiit pillugit ilisimasaqarnerulernissaq Danmarkip aningaasaliiffigigaa

Siornatigut nunat taakku akornini “attaveqaqatigiinneq sukannersoq” Claus Hjort Frederiksenip nanertuutigisimallugu oqaatigigaa Sermitsiaq allappoq.

Claus Hjort Frederiksen siornatigut finansministeriunikuuvoq Sermitsiaq.AG-mullu oqarluni Kalaallit Nunaata namminiilivinnissamik kissaataa paasisinnaallugu, neriuutigaluguli Kalallit Nunaata aningaasatigut nammineq napatinnissaanut suliutinik malitseqassasoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat