Avatangiisit

Nunatta avannaarsuata sikua silap kiannerunera pissutigalugu aannerusimasoq

Issittumi ukioq manna februaarimi pisarnermit kianneruneruvoq, aggustimilu pisarnermit aamma kiannerulluni. Nunatta avannaarsuata sineriaanit avannamut immap sikua tamanna pissutigalugu aannerusimavoq.
Assi © : NOAA Photo Library/Flickr Creative Commons
Allattoq Karsten Sommer
aggustip 22-at 2018 08:17
Nutserisoq Mads Lynge

- Tamaani imartami sikup aannera takornartaavoq, aatsaat taama pisoqarunarpoq, professori Sebastian H. Mernild, Norsk Center for Klimaforskningimeersoq, TV 2-mut oqarpoq.

Issittup sikuata silap pissusiata aakkiartornerata kingunerisaanik aakkiartornissaa ilimagineqarpoq, immallu sikuata Kalaallit Nunaata avannamut sineriaata avataaniittup kingulliulluni aakkiartornissaa immikkut ilisimatuunit ilimagineqaraluarpoq.

Ukioq mannali immikkuullarissumik pisoqarpoq.

AAMMA ATUARUK Immap sikua sukkaannaq kujammukaartoq

Issittumimi ukioq manna februaarimi qaqutigoorluinnartumik pisoqarpoq, ullummi qulit issinnanni kiammat.

Aggustillu ulluisa pingajuanni taamaalisoqaqqippoq, tamatumuuna 17 gradit tikillugit kiakkami, kujataaniillu kiattumik anoreqarluni.

AAMMA ATUARUK Issittup imartaa aatsaat taama sikuunngitsigisoq

Avannaarsuani immap sikua sinerissamit taamaasilluni saavereerpoq, 70-ikkunnili aatsaat taama avannarpartertigaluni. Qaammataasanit assilisat taamanikkulli atugaalermatali aatsaat taama pisoqarpoq.

- Imaq ulluni tulliuttuni sikussagaluarpalluunniit iluaqutaanavianngilaq. Siku issusooq sinerissamit nikereersimassaaq, tassanilu sukkanerusumik aakkiartulersinnaassalluni, Thomas Lavergne, Norgemi silasiortuneersoq, aviisimut The Guardianimut oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk