AWG 2018 Nunatsinnut kuulti siulleq

Arctic Winter Games 2018-ip ulluani siullermi timersortartut nunatsinneersut arfinilinnik ujamminnapput.

Ukioq mannalu AWG-qarnerani kuultinnattoq siulleq tassaavoq 15-inik ukiulik Mick Josefsen, pakassumminnermi finalimut anngulluni Kobe Keevikimut Nordvestterritoriameersumut unamminermini ajugaasoq.

AAMMA ATUARUK Futsalertartut nunatsinneersut ajugaasaqattaartut

Arctic Sportimi arnani aamma ujaminnattoqarpoq.

28-nik ukiulik Lone Nikolajsen Hansen pakassumminnermi finalimut anguppoq, tassanilu Nordvesterritoriameersoq Fort Smithimiu Veronica Leigh McDonald unammivaa. Lone Nikolajsen Hansen unamminermi tassani sølvinnappoq. 

Arctic Sportimik unamminerit Fort Smithimi Paul William Kaeser High Schoolimi ingerlanneqarput.

ArmPullimi kuultinnattoqarlunilu sølvinnattoqarnerata saniatigut aamma snowboardimi sølvinnattoqarlunilu brozennattoqarpoq, aamma dene gamesimi stick pullimi sølvinnattoqarlunilu bronzennattoqarpoq.