Nunatsinniit Iqalunnut timmisartuussisoqartalissaaq
Juunip 26-ianiit Air Greenlandi Nuummiit Nunavimmi illoqarfiit pingaarnersaannut, Iqaluit tungaannut aasaaneraniit oktoberip 23-iat tikillugu timmisartuussisalissaaq.
Air Greenlandip tusagassiorfinnut nalunaarutaani allassimavoq
Tassani Air Greenlandi sapaatit akunnikkaalugit pingasunngornerit tamaasa timmisartuussisalissaaq.
Nuummiit Iqalunnut timmisartuussisalernermi, Canadami illoqarfiit pingaarnersaannut, Ottawamut, Montrealimut Nunavimmilu Kuujjuarmut ingerlaqqissinnaanissaq periarfissanngussaaq.
Air Greenlandip timmisartuutileqatigiiffiullu Canadian Northip, sapaatit akunnikkaarlugit sumiiffinnut aalajangersimasunut, timmisartuussisarnissamik isumaqatigiissuteqarmata tamanna pisinnaalerpoq.
Nuup aamma Iqaluit akornanni aatsaat timmisartuussisoqarsimanngilaq, piffissami 2014-miit 2016-i ilanngullugu, aasaanerani timmisartuussisoqartarnikuusimavoq.
Nuup Iqaluillu akornanni timmisartuussinermi suleqatigiinnissamut isumaqatigiissut 2022-mi atsioqatigiissutigineqarpoq.
-Issittumi nunat angalaffigiumaneqarnerat, ukiumut 2014-imut naleqqiullugu annertunerulernikuuvoq. Isumaqarpugut aqqutip tassuma ammaqqinnissaanut piffissaq piumaneqassusaalu naleqquttuusut, Air Greenlandip pisortaa, Jacob Nitter Sørensen tusagassiorfinnut nalunaarummi oqarpoq.
