Nunatsinni uuliasiornissaq soqutigineqartuarsinnartoq

Nunatsinni uuliasiorluni misissuinissaq suli soqutigineqarpoq, uuliasioqatigiiffiup Namminersorlutik Oqartussanit pigineqartup Nunaoilip tusagassiorfinnut nalunaarutaani tamanna atuarneqarsinnaavoq.

Tunup avannaani uuliasiornermut akuersissut ataaseq tunniunneqarpoq, Grønlandshavimilu akuersissutit tallimaalerlutik. Akuersissummi nutaami italiamiutuuliasiornermik ingerlatseqatigiiffiutaat ENI sulianik ingerlatsisuuvoq, BP Nunaoililu peqatigalugit uuliasiorlutillu sumiiffimmi nunap iluata uuliamik gassimillu peqqumaataasa ineriartorsimanerinik naliliisussat.
 
Akuersissummik nutaamik tunniussisoqarneratigut nuna misissuiffigineqartoq 12.292 kvadratkilometeriulerpoq.
 
Grønlandshavip suliffigalugu ilungersunarsinnaanerayas kinguneraa uuliasiorfissatut piffissaliussap ukiunut 16-inut sivitsorneqarnera pisarneq malillugu Kalaallit Nunaata sinnerani ukiut quliusartut.
 
Tunup avannaanut soqutiginninneq Grønlandshavimuinnaq tunngasuunngilaq. Jameson Landimi, Tunup qeqqata tungaani, akuersissutinik qinnuteqaatit marluupput, ukiut 30-it matuma siornatigut nunami uuliasiornermik soqutiginnissimanermik ammaaqqittut. 1985-imi pisimasut tassaasimapput Kalaallit Nunaata uuliasiornermi Nunaoil A/S aqqutigalugu peqataalerneranut aallarniisut, Nunaoilillu misissuinissamut qalluinissamullu akuersissutinik tamanik 12,5 procentinik 8 procentinilluunniit piginneqataalluni peqataavoq.
 
Nunaoililli misissuinerup nalaani aningaasartuutai tamaasa uuliasioqatigiit nunanit allaneersunit akilerneqartarput. Taamaaliornikkut misissuinerup nalaani sulianut nalorninaateqarsinnaasunut inuiaqatigiit illersorneqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat