Nunatsinni suiaqatigisanoortut oqaluffinni 2014-imi juulip qaammataani katissinnaanngussapput

Inatsisissamik siunnersuut nutaaq maannakkutut isikkulik Danmarkimi naalakkersuisut akuersissutigineqassappat, Nunatsinni suiaqatinoortut oqaluffinni aappaagu 2014-imi juulip ulluisa aallaqqaataanniit katissinnaanngussapput.
Allattoq mlk, Carla Davidsen
novembarip 19-at 2013 06:20

Inatsisartut 2010-mi ukiakkut ataatsimiimmatali Danmarkimi naalakkersuisunit tamatuma akuersissutigineqarnissaa Inatsisartut tamarmik isumaqatigiissutigaat. Suiaqatigiit oqaluffimmi katissinnaanerat Danmarkimi 2012-imi atuutilerpoq. Inatsisillu suliarineqarnera maanna naammassereermat, allannguutit - Folketingimi Inatsisartunilu oqaluuserineqareerlutik - Nunatsinni aamma atuutsinneqarnialerpoq.

Suiaqatigiit oqaluffinni katissinnaalernissaat biskoppip Sofie Petersenip ajornaqutissaqartinngilaa.

- Ajornartorsiutaassanersoq takusinnaanngilara, KNR-imut taamani oqarpoq, namminerlu katititsisinnaanissani aamma soqutigalugu.

KNR-imi Nunatsinni palasinut sianerluni paasiniaasarnerit takutippaat palsit tamarmik isumaqataanngitsut.

Nunatsinni suiaqatigiit ullumikkut inooqatigiissinnaapput, oqaluffinnili suli katissinnaanatik

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk