Nunatsinni pølsiliat misiligarneqarput
Pisisartut Danmarkimi pølsilianik neqeroorfigineqartuarnerat allatigut iliuuseqarfigineqarsinnaasoq, Inuussutissalerinermik ilinniarfimmi pikkorissartut isumaqarput. Taamaattumik nunatsinni pølsiliat assigiingitsut pisiniarfinni nioqqutaalersinnaasut takorloorneqarpoq.
Pølse nunatsinneersoq qanoq mamassuseqassava? Tamanna pikkorissaqataasut akissutissaqartippaat, Nuummilu pisiffimmi neqaarniaq, pikkorissaqataasoq Isak Reimer oqarpoq assersuutigalugu tuttumit pølsiliaq tuttusunngittuusariaqartoq, mamassutsinik allanik akoorpallaangikkaluarlugu.
Nunatsinnilu pølsiliassatut aalisakkamit pølsiliaq piukkunnarnerpaanut isigisinnaallugu Isak Reimer oqarpoq. Iliniartitsisup tamanna suliarisimavaa, mamassusaalu eqqarsaatigalugu Nuummut Pisigffimmut uteruni misiligarsinnaallugu oqaatigaa.
Sananera ajornanngitsunnguusoq, aalisagaagamilu peqqinnartuusoq oqaatigineqarpoq, taammaammallu tunisassiassatut piukkunnartuunera aamma pingaaruteqartutut isigineqarluni.
