Nunatsinni coronamik tunillatsissimasueruttoq
Nunatsinni coronavirusimik tunillanneqarsimasut akornanni kingulleq maanna peqqissisimavoq, nunatsinilu maanna tunillatsissimasuerulluni.
Nuummi mittarfiup allilerneqarnerani sulisut ilaasa coronavirusimik tunillanneqarsimasut qanittukkut paasineqarpoq, maannalu tassa tunillatsissimasuerulluni.
Kalaallit Nunaannulli angalanermi killilersuinerit atuukkallassapput.
AAMMA ATUARUK Nunarput coronavirusertueruteqqingajalersoq
Kastrupimi timmisartoqarfimmut apuunnermi coronvirusimik tunillanneqarsimannginnermik uppernarsaateqartariaqarpoq, Kalaallit Nunaannullu tikinnermi ulluni tallimani angerlarsimaannartoqartariaqarluni. Tamakkiisumik akiuussuserneqarsimagaanni qulaani taaneqarttut atuutinngillat.
Kalaallit Nunaanni coronavirusimik tunillanneqarsimasutut nalunaarsorneqartut katillutik 50-iupput, tamarmillu maanna peqqisseqqissimallutik.