Nunarput coronavirusertueruteqqingajalersoq

Nunatsinni coronavirusertoq ataasiinnanngorpoq.

Pinsip kingorna nunatsinni illoqarfiit pingaarnersaanni coronavirusi tuniluutilerpoq qulingiluat tunillatsillutik - taakkunannga arfineq pingasut peqqissisut, corona pillugu nittartakkami nun.gl-imi tamanna takuneqarsinnaavoq. 

Tunillatsissimasoq kingulleq Nuumiippoq, taannalu Dronning Ingridip Napparsimmavissuaniippoq. 

Tunillatsissimasut amerlanerit Nuummii mittarfiliortuni sulisuupput. Taamaammallu mittarfimmi sanaartorfiup eqqaa mattusimatitsisoqaraluarpoq, mittarfiliortut taakani najugaqarmata.

Tunillatsissimasut kingulliit nutaat paasineqarnerata kingunerisaanik Nuummiit angallannerit marloriarluni mattunneqarput.

Aamma qaammat maajip naangajalernerani Nuummi neriniartarfiit imerniartarfiillu matuneqaraluarput.

Nunarput tamakkerlugu katillugit inuit 50-it coronavirusimik tunillatsinnikuupput.

Coronartoqarnera peqqutigalugu nunatsinni qaammatini arlalinni killilersuisoqarpoq, maannalu killilersuutit qasukkarneqarput.

Tassalu juuli aallarnerfigalugu nunatsinnut tikissinnaasut amerlineqassapput. Sapaatit akunneranut inuit 810-t tikissinnaagaluartut maanna sapaatit akunneranut 1.000-it tikissinnaalerput.

Taakku saniatigut Islandimiit timmisartoq nunatsinnut angalasinnaanngoqqippoq

Nunatta nakorsaanera Henrik L. Hansen KNR-ip oqaaseqartinniarsarigaluarpaa.