Nunatsinneersut Issittormiut siullermeerlutik Melodi Grand Prixermata ajugaasut

Kalaallit nipilersortartut, Nuija, Issittormiut siullermeerlutik Melodi Grand Prixermata ajugaapput. Aviisi Sermitsiaq.AG taama allappoq.

Tassa nipilersortartut Issittumeersut Pan Arctic Visionimik taallugu Norgep avannarpasissuani illoqarfimmi Vadsømi Melodi Grand Prixerput.

Nipilersortartut assigiinngitsut qulit Issittormiut Melodi Grand Prixerneranni peqataasut ilaatigut USA-mi Alaskameersuupput, Ruslandip issittuaneersuupput, Finlandip avannarpasissuaneersuupput aamma Canadami Yukonimeersuupput.

Nipilersortartut Nuummeersut, Nuija, unammisitsinermi ajugaanertik nuannaarutigeqalugu aammali nunarput sinnerlugu peqataanertik nuannaarutigeqigitsik, appittartuat guitarertuallu Nick Ørbæk Sermitsiaq.AG-mut oqarpoq.

- Ajugaanerput nuannaarutigeqaarput, kisianni nipilersornerput Kalaallit Nunaallu sinnerlugu peqataanerput aamma nuannaarutigaarput.

Ajugaanerminnut tapersersorterpassuatik, taassuma Facebookimi qutsavigai.

Nipilersortartut nunatsinneersut ajugaammatami, nunatta Issittormiut nipilersornermik aappaagu unamminissaannut aaqqissuisuunissaa pilersaarutaavoq.