Nunat Avannarliit Killiit Siunnersueqatigiiffiat Islandimi katersuutissapput
Ataatsimeersuarnermi politikerit, ilinniagartuut immikkullu ilisimasallit nunani avannarlerni killerneersuut norgemeersullu peqataaffigisaanni, nunat immikkooratik ataatsimoorlutilli peqqinnissamut tunngatillugu pitsaanerusumik suliniuteqarsinnaanersut eqqartorneqassaaq. Ilaatigut immikkoortumi peqqinnissaq pillugu sulieqatigiinnermik pilersitsinissaq iluaqutissartaqarsinnaanersoq, nunat immikkut piginnaasaqarfigisamikkut immikkoortumut tamarmut kiffartuussisinnaanera, tamatumalu qanoq ilillugu pitsaanerpaamik ingerlanneqarsinnaanersoq eqqartoqarneqassaaq. Aammattaaq peqqinnissaqarfimmi atortorissaarutinik akisuunik ataatsimoorlutik iluaqutissartalimmik pisiniarsinnaanissaat taamaliornikkullu pitsaanerusunik isumaqatigiissusiorsinnaanissaat eqqartorneqassaaq.
Ataatsimeersuarnerup siunertaraa nunat avannarliit killiit peqqinnissaqarfiisa paasisaqarfiginissaar, assigiinngissutaat kiisalu qanoq ittunik unammilligassaqarnersut immikkoortumilu suleqatigiinnissamut periarfissat suunersut. Nunat pingasuusut sussaqarfimmi misilittagaannik piginnaasaqarfiinillu aamma paasisaqarnissamut peqatigisaanillu nunat susassaqarfimmi ”best practice”-mik qulakkeerinninnissaannut periarfissiissq.
Nunat pingasuusut susassaqarfimmi assingusunik amerlasuunik unammilligassaqarnerat ataatsimeersuartitsinermut tunuliaqutaapput. Nunat innutaasukitsut, sumiiffiit angisuut, nunaqarfiit avinngarusimasumiittut immikkoortumi aningaasarsiornikkut suliaqarneruleriartorneq pineqarput. Taamaammat nunat susassaqarfimmi suleqatigiinnerisa annertusinerata pitsanngorsarneratalu ilaqutissartaqarsinnaanersoq misissussallugu siunnersueqatigiit pingaaruteqatupilussuartut isigaat.
Oqalugiartut ilaat tassaapput peqqinnissamut naalakkersuisoq Agathe Fontain, nakorsartittunut tunngatillugu immikkut ilisimasalikGert Mulvad, Peqqinnissamut Pitsaaliuinermullu Aqutsisoqarfimmi nakorsanut siunnersorti Kent Kleinschmidtaamma Peqqinnissamut naalakkersuisoqarfimmi pisortaaneq Ann Birkekær Kjeldsen.
