Nunasisartut amerliartuinnarput
Kalaallit Nunaanni innuttaasut ukiut 20-it ingerlanerini aatsaat taama ikitsigilerput.
Danmarkimi pitsaanerusumik inuuneqalerusullutik Nunatsinniit nuussortut amerliartuinnartillugit ilutigitillugu nunani allamiut amerlanerujartuinnartut Kalaallit Nunaannut nuuttartut amerliartuinnarput.
Allattoq Inge S. Rasmussen
Nutserisoq Erna Lynge
Nunasisartut pillugit ukiuni kingullerni 15-ini naatsorsoqqissaakkat aallaavigalugit Sermitsiaq.AG taama allaaserisaqarpoq.
Sulisartut avataaneersut Kalaallit Nunaanni amerliartuinnartut erserpoq. Sulisartut avataaneersut danskisut innuttaassuseqanngitsut tassani pineqarput.
Aamma atuaruk Siunissaq qaamanerusoq ujartorlugu Danmarkimut nuuttut
Avataaneersut Kalaallit Nunaanniittut 2003-mi allattorneqarsimasut 510-usimapput 2016-imilu tamakku 1.057-nngorsimasut sermitsiaq.AG allappoq.
Ukiut 15-ingajaat ingerlaneranni nunani allamiut marloriaatit sinnersimavaat.
Aamma atuaruk Nunatsinni innuttaasut ikiligaluttuinnarput