Nunarsuup kissatsikkiartorneranik naalakkersuisup qularisaqarnera Aajap isornartorsioraa
Tamannalu Inuit Ataqatigiinni folketingimit ilaasortamit Aaja Chemnitz Larsenimit sakkortuumik isornartorsiorneqarpoq.
- Silap kissakkiartornera pillugu Nunarsuarmi ilisimatuut tamangajammik isumaqatigiipput, Aaja Chemnitz Larsen ilaatigut taama tunngavilersuivoq.
- Ajornartorsiutaareersut pillugit Naalakkersuisunik pimoorussisunik pisariaqartitsivugut.
AAMMA ATUARUK Silaannaap kissakkiartornera imatut upperinngilara
Nukissiuuteqarnermut Naalakkersuisup taama oqariartuuteqarnera pillugu Naalakkersuisut siulittaasuata Kim Kielsenip oqaaseqarnissaa, Aaja Chemnitz Larsenip kaammattuutigaa.
Aqqalu Jerimiassen Sermitsiaq.AG-mut oqarpoq Silaannaap kissakkiartornera imatut upperinagu Nunarsuarmi nammineq allanngoriartormat.
Silap pissusaata allanngoriartornera inunnit pilersitaasoq silap pissusaa pillugu ilisimatuut 97 procentii isumaqartut Videnskaben.dk 2016-imi allaaserisaqarpoq.
AAMMA ATUARUK Paavi: Silap pissusiata allanngoriartorneranik upperinninngitsut sianiitsuupput