Paavi: Silap pissusiata allanngoriartorneranik upperinninngitsut sianiitsuupput
- Silap pissusiata allanngoriartorneranik ilumuunnginneraasut ilisimatuunut aperiartortariaqaraluarput. Ilisimatuummi ersarilluinnartumik nassuiaasinnaapput, Pave Frans tusagassiortunik katersortitsinermi oqarpoq.
Silap pissusianik immikkut ilisimasallit innersuussutaat politikerinit inunniillu qisuariarfigineqartussaapput, tamannalu pisussaaffigigaat, pavep erseqqissaatigaa.
Ilisimatuummi tassaapput silap pissusiata allanngoriartornerata qanoq akiorneqarsinnaaneranik innersuussuteqartut, pave oqarpoq.
Pave Frans silap pissusiata allanngoriartornerata akiorniarneqarnissaanut illersuisuuvoq, politikerillu matumunnga suliniutikinnerarlugit isornartorsiuisarluni.
Pavep oqaasii præsidentimut Donald Trumpimut tusaqqusaarnertut oqaatigineqarpoq, Donald Trumpimmi USA-p silap pissusiata allanngoriartornerata akiorniarneqarnissaanut nunat tamalaat Parisimi 2015-imi isumaqatigiissutaannit aninissaa aalajangiunnikuuaa.
/ritzau/AP
