Assi: KNR

Naalakkersuisoq: Silaannaap kissakkiartornera imatut upperinngilara

Nunarsuup kissatsikkiartornerata inunnit piliaanissaa inuussutissarsiornermut nukissiuuteqarnermullu naalakkersuisup, Aqqalu Jerimiassenip upperinngilaa.

Sermitsiaq.AG taama allaaserisaqarpoq.

- Silaannaap kissakkiartornera imatut upperinngilara. Kisiannili upperaara nunarsuaq nalinginnaasumik ingerlaaseqartoq. Ingerlanerani massakkut kissakkiartorpoq, tamannalu naleqqussarfigissavarput. Nunarsuaq nammineq allanngoriartorpoq, uagut allanngortissinnaanngilarput,  Aqqalu Jerimiassen Sermitsiaq.AG-mut oqarpoq.

Nunatta ataavartunik nukissiuuteqarnissaa Naalakkersuisut anguniarpaat, tamatumalu angujartuaarnissaanut Aqqalu Jerimiassenip nukissiuuteqarnermut naalakkersuisutut sulissutigissavaa.

AAMMA ATUARUK Nunatsinni inuusuttut politikerinit tusaaqqusut

Taamatulli sulinini solarimik eqqussuinermit aningaasartuutit ikilisinneqarnissaannut sulinerusutut isigalugu, Aqqalu Jerimiassen Sermitsiaq.AG-mut oqarpoq.

Taassumalli isumaa silap pissusaa pillugu nunarsuaq tamakkerlugu ilimisimatuut amerlanerpaartaannit allaaneruvoq.

Silap pissusaata allanngoriartornera inunnit pilersitaasoq silap pissusaa pillugu ilisimatuut 97 procentii isumaqartut Videnskaben.dk 2016-imi allaaserisaqarpoq.

AAMMA ATUARUK Silap pissusiata allanngoriartornera nunarsuarmi ulorianartorsiortitsinerpaavoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat