Nunarsuaq januaarimi ukioq manna aatsaat taama kiatsigisoq
![](/sites/default/files/styles/image_934x467/public/2024-02/24038492754063-1920x1279we.jpg?itok=LxBqc0FY)
Nunarsuarmi silap pissusia soorluuna allanngoriartuinnartoq ingasatsikkaluttuinnartorlu.
EU-p silap pissusianik nakkutilliisoqarfiata, Coperncisup, nalunaarusiami nutaami tamanna uppernarsarpaa.
Ukioq mannami januaarip nunarsuup oqaluttuarisaanerani ataatsimut isigalugu kiannerpaasimanera uuttortarneqarpoq.
Nunarsuup agguaqatigiissillugu 13,14 gradinik kiatsigisimanera uuttortarneqarpoq, januaarimi agguaqatigiissillugu 2020-mi nunarsuaq kiannerpaammat taamanikkut 13,02 gradinik kiappoq.
Qaammatit arfineq-pingasut tulleriissillugit qaammatini ataasiakkaani nunarsuup oqaluttuarisaanerani agguaqatigiissillugit aatsaat taama kiatsigaaq. Ukiup aallartinnerani qaammatip kingulliup aatsaat taama kiatsigineranik uuttortaasoqartoq, Copernicusimi pisortap tulliata Samantha Burgessip oqaatigaa.
- Gassinik silaannarmik kissakkiartortitsisartunik aniatitsinerit aatsaat annikillisarneqarpata nunarsuaq aatsaat kiatsikkiartoruunnaarsinneqarsinnaavoq, taanna tusagassiorfinnut nalunaarummi ilaatigut oqarpoq.