SAQQUMMERSITSINEQ Nunarput soqutigineqarluartoq
Ingerlatsiviit nunatsinneersut 42-t angalatitsivinnut nunarput pillugu pilerisaaralutillu soqutiginnittunut saqqummiipput.
Takornarialerisut tunisassiaatiminnik saqqummiussineranni suna naatsorsuutigisanerlugu nalornissutiginagu, Ilulissat Tours, ingerlatsivinngoqqammersup oqaatigaa.
- Takornarialerisorpassuit nunarsuarmi tamarmeersut qujanartumik naapippagut. Taamaammat qilanaaqaagut, Jens Larsen oqarpoq.
Ilulissat Toursip avataanit saaffigineqakulagaluartoq Vestnorden Travel Martimi peqataanissani pingaartippaa. Tassanimi inuit qanimut naapinnissaat periarfissaammat.
- Assammissinnaaneq isikkullu imminut toqqarluni isigisinnaaneq takornariartitsisarnermik inerisaanermi pingaartupilussuuvoq.
Nunatta takornariaqarluarsinnaanissaanut takunnilluarsimasut ilaat Tine Maenhout belgiami angalatitsivimmi Modern Vikingsimeersuuvoq.
Allaaserisaq assip kingorna nangissaaq
Unammillernartoqaraluarluni periarfissaqarluartoq
Isarussat aalasulianik isiginnaarutit 3D-nik taasagaat atorlugit Tunumi qamuteralannik angalasuusereerluni paasivaa, Belgiami takornarianut nunarput pilerisaarutigilluarsinnaallugu.
- Islandimik tuniniaanermik ilisimasaqaqaanga. Kalaallit Nunaatali massakkut pilerisaarutiginissaa qilanaarilerpara, imaaliallaannarli tikinneqarsinnaannngilaq, Tine Maenhout oqarpoq.
Taamaattumik nunarput belgiamiunut nutaanik nalusanik misileerusuttunuinnaq aallaqqaammut soqutiginassasoq naatsorsuutigaa. Nunatsinukarnissarmi suli akisuvoq.
AAMMA ATUARUK Mittarfiit talliinnarnerisigut takornariat amerliartulernavianngillat
Allaaserisaq assip kingorna nangissaaq
RTS Scandinavia aamma taamatorluinnaq-oqarpoq. Taakkua nunanut avannerlernut angalanissamut ilikkarnerupput.
Mittarfiilli tallineqarpata akillu taamaalillutik apparpata asiamiut nunatsinnut tikeralernissaat ilimagaat.
- Tamanna Kalaallit Nunaata Kangiani pilerisaarutiginissaanut periarfissatsialassuuvoq, Fajia Meng RTS Scandinaviameersoq oqarpoq.
