Mittarfiit talliinnarnerisigut takornariat amerliartulernavianngillat
- Oqarsinnaavunga siuariartorpoq. Siuariartorneq ukiuni kingullerni malunnarpoq, sulilu taamaalluni, Visit Faroe Islandsimi pisortaq Guri Højgaard oqarpoq.
Savalimmiut takornarianit 100.000-tinit ukioq kingulleq tikinneqarsimavoq. Ukioq manna takornariat 10 procentimik amerlanerit Savalimmiut tikeraarumaaraat, takornarialerisut naatsorsuutigaat.
AAMMA ATUARUK Får laver film
Iliuusissaq nutaaq mittarfillu takinerusoq
Iluatitsineq tamanna 2013-imi iliuusissanut pilersaarusiornermiit aallaveqarpoq. Takornariat Savalimmiut qanoq ilisimanerulersinnaaneraat pilersaarummi sammineqarpoq.
Takornarianillu Savalimmiunut qammaaneq akikitsuinnaanngilaq. Pilersaarut nutaaq piviusunngortinniarlugu savalimmiut naalakkersuisuisa Visit Faroe Islandip aningaasat atugassai marloriaatinngortissimavaat.
- Tamanna uagutsinnut allannguutaaqaaq. Savalimmiummi ullumikkut takornarialerisuni takussaaneroqaaq.
Nunarput takornarianut tikinneqarsinnaaneruniassammat Nuummi Ilulissanilu mittarfiit tallineqarnissaat aalajangiunneqarsimavoq.
Savalimmiuni mittarfik Vágar Lufthavn 2013-imi tallineqarpoq, 1250 miiterinik takitigigaluartoq 1799 miiterinngorlugu. Tallimmat Atlantic Airways timmisartunik anginernik Københavnimukartartunik atuilerpoq, Europamilu illoqarfissuarnut allanut angallassisalerluni.
AAMMA ATUARUK Færøerne har succes med længere landingsbane
Talliliiniissaq kisimi naammanngilaq
Iluatitsilluarnerli mittarfeqarfiit tallinerannik kisimi peqquteqanngilaq, Visit Faroe Islands isumaqarput.
- Nuna ornitaq pissangananngippat takornariat aggernavianngillat. Nuna mittarfittaarsimanerinnaa peqqutigiinnarlugu aamma takornariat tikinnavianngillat, Guri Højgaard oqarpoq.
Tamannarpiaq peqqutigalugu Visit Faroe Icelandip pisortaata nunatta takornariarpassuaqalersinnaanera periariarfissaasoraa. Aatsaalli taamaassinnavoq, Nalakkersuisut Visit Greenland nunatsinnik tuniniaanissamut pitsaamnerpaamik periarfisippassuk, nunarpullu takornarianut tikikkuminarnerulersippassuk .
- Attaveqaatersuutisi pitsanngorsarniarsigit, taava tikeraat aggialernissaat qularutiginngilara, Guri Højgaard oqarpoq.
AAMMA ATUARUK Takornariaqarnerup inerisarnissaa suliassarujussuuvoq