Assi: Kristine Riskær/Flickr Creative Commons

Nunaqarfinni tunitsiviit ilaat ammaqqinneqartut

Qaleralinnik Royal Greenlandip Uummannami nunaqarfinnilu tunitsiviinut tunisisoqaqqissinnaanngorpoq.

Royal Greenlandip Uummannami nunaqarfinnilu Ukkusissani, Saattuni Ikerasammilu 
fabrikkit sisamanngormat juunip ulluisa 22-anni ammaqqinneqarput, taamaalilluni 
qaleralinnik tuniseqqittoqarsinnaanngorpoq.

Qaleralinnik tunisineq killilimmik tigooraasoqarallassasoq, Royal Greenlandimi ingerlatsinermut pisortap Niels Ole Møllerip erseqqissaatigaa.

Tassaarsuaqanerata kingorna Nuugaatsiami nunaqarfiillu allat qanittuaniittuni 
Royal Greenlandi sulisussaaleqinermik eqqugaavoq, taamatuttaaq sumiiffinni 
tassaarsuaqaqqissinnaannera suli aallerinarmat.

- Nunaqarfinni Uummannamilu ullormut tulaanneqartut suliarisinnaasagut 
taamaallaat tigoorarneqassammata erseqqissaatigissavarput, Niels Ole Møller oqarpoq.
 

Tunitsivinni pineqartuni sulisinnaasut utikaalersimalerpata tunisanik tigooraasinnaaneq 
annertusineqassaaq, Royal Greenlandi nittartakkamini taama allappoq.

Sumiiffinni fabrikkit ammaaqqinneqarnerat nalunaarutigineqareerput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat