Royal Greenlandip tunisassiorfissuaq tunigaa
Isumaqatigiissuteqarnermi Royal Greenlandip Polenimi aalisakkanik suliffissua Espersenimit pisiarineqarpoq, tassani sulisut 1000-it sinneqarput.
Suliffeqarfik Namminersorlutik Oqartussanik pigineqartoq tusagassiorfinnut nalunaaruteqarluni taama allappoq.
Royal Greenlandip aalisakkeriviata Polenimiittup pisineqarnerata saniatigut, suliffeqarfiit taakkua marluk isumaqatigissuteqarput. Aalisakkanik natermiunik, aalisakkanik qaqortumik nerpilinnik aamma atuisut piumasaat tunngavigalugit tunisassianik ineriartortitanik Espersen Royal Greenlandimut tunisassiortassaaq.
AAMMA ATUARUK Royal Greenlandip nipisat ilivitsuutillugit Ruslandimut Kinamullu nioqqutiginiarai
Royal Greenlandip pisortaanerata Mikael Thinghuusip isumaqatigiissut nutaaq nuannaarutigisorujussuullugu tusagassiorfinnut nalunaarummi oqaatigaa.
- Espersenip Koszalinimi sanilereriikkatta assigiinngitsunik tunisassiornermik pisisartutsinnut sulisunullu iluaqutaasumik uagutsinnit pitsaanerusumik siunissami ingerlatsisinnaasoq qularinngilarput. Royal Greenland taamaalilluni aalisakkanik Atlantikup Avannaata imartaaneersunik nunarsuarmi niuerfinnut assigiinngitsunut tunisaqarnerulernissamik ukkassinerulersinnaanngussaaq, Mikael Thinghuus taama oqarpoq.
Espersen Polenimi Koszalinimi suliffissuarnik marlunnik ingerlataqarpoq taakkunanilu sulisut 1.350-iupput.
Isumaqatigiissut piginnittunngornerlu 2017-imi septembarip aallaqqaataani atuutilissapput.
