Kalaallit Nunaanni tunngaviusumik inatsisissamut missingiut: Nunap siunissaanut pingaarutilik imaluuniit iluareqqusaarnerinnaq?

Vivian Motzfeldt-ip tunngaviusumik inatsisissamik suliap ingerlateqqinnissaata pingaassusia erseqqissarpaa. Jens-Frederik Nielsen akerliulluinnarpoq, Pele Broberg-ilu missingiummi annertoqisumik iluarsaassivoq.

Allattoq Christine Hyldal, Ann-Sophie Greve Møller, Sikkersoq Rosing Karlsen

oktobarip 17-at 2023 08:19

Nunap partiivi annerit tunngaviusumik isumaqatigiinngillat: Kalaallit Nunaanni tunngaviusumik inatsisissamik missingiinerup, ukiut arlallit ingerlanneqareersup, milliuuninik arlalinnik akillip ingerlateqinnissaa pilersaarusiorneqassaaq.

Illuatungiuttulli tamanna suutinngilaat. Tunngaviusumik inatsisissamut pilersaarut eqqaavimmut iginneqariaannaavoq, Demokraatit siulittaasuat isumaqarpoq. Naleqqap siulittaasua taama nikallluussitiginngilaa. Taanna naapertorlugu tunngaviusumik inatsisissamut missingiut ualip ataatsip ingerlanerani annaanneqarsinnaavoq.

Tunngaviusumik inatsissamut siunnersuutip qanoq ingerlateqqinnissaanut IA-mit aamma Siumut-mit siunnersuutit marluk kingornatigut taakku oqaaserineqarput. Sisamanngormallu Inatsisartut ataatsimiittarfiannni partiinit tamanit assut oqallisigineqarpoq.

Akerlilerneqaraluartoq aamma apriilimiilli uninngatiinnarneqaraluartoq IAp aamma Siumup tunngaviusumik inatsisissamut siunnersuut aalajangiusimaannarpaat. Kisianni innuttaasut ilanngutitinneqassapput aalajangiisooqataallutillu.

Inuiaqatigiit piginnittuunertik takutissavaat

Taamaattumik missingiut paasiuminartumik allanneqassaaq.

Vivian Motzfeldt (S), Naalagaaffinngornissamut Nunanullu Allanut naalakkersuisoq, nalunaarpoq suliaq tamanna naalakkersuisunit allartitinneqareertoq.

- Innuttaasut tamarmik missingiut oqallisigilissuk. Missingiummi innersuussuteqartoqaraluartoq isumaqarpunga inuiaqatigiittut piginnittuuneq tigussagipput oqallisigalugulu, KNR-imut oqarpoq.

INATSIT TUNNGAVIUSUSSAQ PILLUGU ISUMALIOQATIGIISSITAQ

Nunatsinni namminerisamik tunngaviusumik inatsiseqarnissaq Inatsisartuni siullerpaamik 2007-imi qaqinneqarlunilu oqallisigineqarpoq.
Ukiut qulingiluat qaangiuttut apeqqut qaqinneqaqqippoq, tassanilu Inatsisartunut aalajangigassatut siunnersuutigineqarluni. Nunatsinni inatsit tunngaviusoq pillugu isumalioqatigiissitaliornissaq taperserneqarpoq.
Taamaammat Naalakkersuisut Tunngaviusumik Inatsisissaq pillugu Isumalioqatigiissitaq 2017-imi apriilip ulluisa 27-anni pilersippaat.
Tunngaviusumik inatsimmut "kalaallit inuit kulturiannut, oqaasiinut, kinaassusaannullu tunngaveqartumik sinaakkusiisumillu" siunnersuutaavoq.

Paasissutissarsiffik: tunngavik.gl

Allisiguk

Kisianni tamanna Demokraatit siulittaasuata, Jens-Frederik Nielsenip, ilaliuffiginngilaa. Akerlianilli.

- Isumaqarpugut iluareqqusaaginnarluni takorluugaannaasoq aallaqqaataaniilli kukkunerusoq, oqarpoq.

Naalagaaffinngornissamut piareeqqanngilagut

Missingiummut koruunit 30 milliuunit atorneqareerput. Koruuni ataasiinnarluunniit atorneqaqqissanngilaq, isumaqarpoq.

- Nalagaaffinngornissamut piareeqqanngilluinnarpugut. Isumagisassat amerlaqisut naammassineqaqqaassapput, unnersuussutigalugillu inuiaqatigiit inuunerminni atugaat, politikerit taarsiullugu nukiminnik atuiffigisariaqagaattut.

Taamaalillutik Demokraatit aamma Jens-Frederik Nielsen-ip IAp aamma Siumup tunngaviusumik inatsisissamut missingiummut pilersaarut akuerinngilaat .

Aamma atuarukIA Siumullu: Nunatta siunissaa pillugu innuttaasut oqalliseqataassapput

Naleraq aallaqqaataaniilli Tunngaviusumik Inatsisissaq pillugu Ataatsimiititaliamut qularuteqarsimavoq, inuiaqatigiit sulinermut tassunga ilanngutitinneqanngimmata.

- Taarsiullugu politikerit missingiusialiornissamut toqqarneqarput. Taamatut suleriaatsimi inuiaqatigiit pingaartitaat aallaavigineqanngillat, Pele Broberg, Naleqqap siulittaasua, oqarpoq.

Nunanit allanit isumassarsissutigineqarsinnasoq

Pele Broberg naapertorlugu tunngaviusumik inatsisip inuiaqatigiit nassuiassavai, naalakkernagit. Taamaattumik unnuk ataaseq atorpaa tunngasivusumik inatsisissammut missingiummi paragraffit 49-t 25-innarnut ikisillugit, tamannalu tunngavigalugu allannguutissamik siunnersuusiorluni.

- Taamatut ajutoorneq ualip ataatsip ingerlanerani qaangereerneqarsinnaagaluarpoq. Milliuuninik 30-nik akeqartariaqarsimanngilaq, Pele Broberg oqarpoq, isumassarsisinneqarsimalluni nunani allani tiguarneqarsimasuni, tigusarineqarsimasuni imaluunniit nunasiaasimasuni tunngaviusumik inatsisaat misissornerisigut.

Aamma atuaruk - Quianaannarpoq: Tunngaviusumik inatsisissatut missingiut unittooqqavoq. Alloriaqqinnissaq kia isumagissavaa?

Missingiut massakkut piareersimasoq qanoq naalakkiniartuusoraajuk?

- Oqartoqarpat nunami maani inuiaqatigiinni isumaginninnikkut pisinnaatitaaffeqqartoqassasoq. Tamanna naalakkiineruvoq, imaalerluni naalakkersuisut imaluunniit inatsisartut pinngitsoornatik, Pele Broberg oqarpoq nangillunilu:

- Allassimappat meeqqat pisinnaatitaaffiit eqqortissagivut, ullumikkut eqqortissinnanngisavut, kingunerissavaa allatut iliortariaqassasugut. Tamanna aningasartuutigiineqassaaq.

Naleqqap siulittaasua nassuiaavoq paragrafit naalagaaffimmut “nalinginnasuusut” attorsimanagit, kisianni Inatsisartut allannguutissamik inaarutaasumik naliliisuusussaasut.

- Neriuutigaarput suliatsinnut uniuivallaarsimanngitsut.

Naleqqap neriuutigisaatut ingerlasoqassappat, taava Pele Broberg naapertorlugu aappaagu ukiakkut tungaviusumik inatsisissaa innuttaasunit taasissutigineqassaaq.

Suli pitsaanerulernissatsinnut ikiortigut! Nutaarsiassamut malugisaqaruit uunga allaffigitigut.