Nunap assiliorneranut qaammataasat atorneqartut
![](/sites/default/files/styles/image_934x467/public/article_images/airbus-satellitter_af_typen_spot_67.png?itok=EFU-ies4)
Danmarkimi Paasissutissanik pilersuinermut Pisariillisaanermullu aqutsisoqarfik, Styrelsen for Dataforsyning og Effektivisering, Namminersorlutik Oqartussat peqatigalugit misileraanermik ingerlatsisuuvoq.
Qaammataasat Airbussimeersut Spot 6/7-imik taaguutillit atorlugit Nunatsinni sumiiffiit sisamat kilometerinik 700-nik qutsissusilimmit assiliortoqarneqarput.
Assillu ersarissusaat nunap assiliornermut naleqquttut, Danmarkimi Paasissutissanik pilersuinermut Pisariillisaanermullu aqutsisoqarfimmi pisortat ilaata Dorthe Rejkjærip oqaatigaa.
- Kalaallit Nunaannut nunap assinganik peqartuarsimavoq. Qaammataasanilli atuinermi assigiinngissutaasoq tassaavoq nunap assinganik piffissamut naleqquttumik assigiiaartumillu suliaqarnissatsinnut periarfissaqaratta. Timmisartummi atorlugit sumiiffiit taama isorartutigisut ukiualuit atorlugit assiliortorneqarsinnaanngillat.
Periaatsit nutaat Nunatta ilaani sumiiffiit sikuneq-ajortut sinnerisa nunap assiliornissaannut atorneqassanersut maanna nalilersuiffigineqassaaq.