Nunanut allanut tunngasunut ministeri nunatsinnut tikeraarngaartoq
Tikeraarnerminimut atatillugu nunatsinni nunanut allanut tungasunut naalakkersuisoq
Ane Lone Bagger naapeqatigissavaa, Ilimmarfimmilu ilinniartunik, Issitumi sakkutooqarfimmeersunik, inuussutissarsiornermut suliaqartunik kiisalu Inatsisartunik aamma naapeqateqassamaarpoq.
Nunanut allanut tunngasunut sillimaniarnermullu politikki pillugu suleqateqatigiinnerup isumassarsioqatigiilluni nukittorsarneqarnissaa oqaloqatigiinnissamut periarfissaalluassasoq, nuanut allanut tunngasunut ministeri isumaqarpoq.
AAMMA ATUARUK Ilisimatusartut ujartuisut: Kalaallit Nunaat Issittoq pillugu periusissiortariaqarpoq
Kalaallit Nunaat avataanit soqutigineqaleraluttuinnarpoq:
- Nunanut allanut ministeritut Kalaallit Nunaannut tikeraaqqarnissara qilanaaraara.
Danmarkimi naalakkersuisut uangalu naalagaaffeqatigiinnerup naligiilluni nukittoqarnissaanut tatigeqatigiillunilu sulissutiginissaanut pingaartipparput, Kofod oqarpoq.
AAMMA ATUARUK Amerikamiut admiraliat nunatsinnut tikeraalersoq
Naalagaaffeqatigiinnerup nukittorsarneqarnissaa anguniarlugu ministerip tikeraarneranut atatillugu qulakkeerniarneqarpoq.
Ministerillu tikeraarnerminut atatillugu ilaatigut issittumi illersornissaqarfiup suliaqartarnerminut aaqqiissutigisartagai, nunattalu niuernermut atasumik periarfissai unammillissutigisinnaasaalu sammineqassasut, Nunanut allanut tunngasunut ministereqarfik taama ilisimatitsivoq.
Nunanut allanut tunngasunut ministeri, Jeppe Kofod ullumimit pingasunngornerup tungaanut nunatsinniissaaq.
AAMMA ATUARUK Kielsenip Kofodillu Issittoq pillugu ataatsimeersuarneq aallarneraat