Inuussutissarsiutit

NunaMineralsip annaanneqarnera nuannaarutigaat

NunaMinerals matoqqajaaleraluartoq eqqartuussivitsigut ullaap tungaa aalajangiisoqarneratigut annaanneqarpoq. Piginneqatigiiffik akiliisinnaajunnaanngujoorpoq, ullumikkullu matunnginnera isumaqanngilaq tassa annattoq. NunaMineralsilli siulittaasuata piginneqatigiiffiup ullumi matunnginnera nuannaarutigaa.

Allattoq Jonas Løvschall-Wedel

maajip 15-at 2015 16:30

Nutserisoq Mads Pedersen

- Killiffipput nuannaarutigeqaarput. Akiliisinnaajunnaaleraluarnermit utertinneqarpugut, eqqartuussivimmiillu illersorneqalerluta.

- Maanga killinnissatsinnut inuppassuit piffissarujussuaq atorlugu ikioqatigiillutik sulipput, NunaMineralsimi siulittaasoq Canadamiu, Birks Bovaird oqarpoq.

Aamma atuaruk Nunamineralsip akiliisinnaajunnaarnissamik qinnuteqaatini utertikkaa

Taanna oqaluttuarpoq illersuisuata siunnersorsimagaanni tusagassiutinut oqaaseqaqqunagu, taamaammallu itinerusumik apersorneqarumanani.

Ullumikkut ulloq nuanneraluartoq imaanngilaq NunaMinerals annattoq. Tassami isumaqatigiittoqartariaqarpoq, Naalakkersuisullu, aningaasaliissuteqarnerpaasut, isumaqatigineqartariaqarlutik.

Aamma atuaruk Nunamineralsip ingerlaannarnera GE-p nuannaarutigaa

Tamannalu Birks Bovairdip isertuutinngilaa.

- Suli suliassaqaqaagut. Qujanartumillu ullumikkut Nunamineralsi ullumikkut akiliisinnaajunnaanngilaq, NunaMineralsimi siulersuisuni siulittaasoq Birks Bovaird naggasiilluni oqarpoq.

Nutaarsiassami kukkunermik nassaarsimaguit uunga allaffigineqarsinnaavugut.