NunaMineralsimi suli utaqqipput
Aningaasaliisartup Tuluit Nunaanneersup Patrick Newmannip suliffeqarfimmit Greenland Mining Managementimeersup, suliffeqarfimmik misissueqqissaarnernik ingerlatsisumik ilaatigut Namminersorlutik Oqartussanit piginneqataaffigineqartumik akiligassaminik akiliisinnaajunnaaqqajaasumik qaammatini kingullerni annaassiniarsimasumit taama neqerooruteqartoqarpoq. Aviisimi Sermitsiami ullumi tamanna allaaserineqarpoq.
Neqeroorut suliffeqarfiup akiitsoqarfiinut qaammammi kingullermi nassiunneqarpoq.
Akinissamut marsip 27-at killiliunneqarpoq, Sermitsiallu paasisai naapertorlugit akiitsoqarfigineqartut amerlanerit akuersillutik maannamut akissuteqarput.
AAMMA ATUARUK Nunamineralsimut aningaasaliisinnaasoq isumaqatigiinniarfigineqarpoq
NunaMineralsimut nutaanik aningaasaliisussarsiornerni piginneqataassutit maanna Københavnimi Fondbørsimiittut Frankfurtimi børsimut nuunneqarnissaat pilersaarutaasoq aviisimi allaaserineqarpoq.
Taamaaliornikkut aningaasaliisussarsiornissaq ajornannginnerulissaaq, ilaatigut Frankfurtimi børsip aatsitassarsiorfiit piginneqataassutaannik niuernermik ingerlatsiviunera patsisigalugu.
Pingaaruteqartoq alla tassaavoq Namminersorlutik Oqartussanik aatsitassanik misissueqqissaartarfimmut 4,5 millionit koruuninik siorna atukkiisunik isumaqatigiissuteqarnissaq.
AAMMA ATUARUK Nunamineralsip annaanneqarnissaanut suli periarfissaqarpoq
Aatsitassanik misissueqqissaartarfiup allanngortiternissaanut periarfissanik misissuinissamut Namminersorlutik Oqartussat marsimi sapaatit akunnerinik arlalinnik piffissaliipput.
Tuluup aningaasaliisartup siunnersuutaa, Siulittaasup Naalakkersuisoqarfiani pisortap Søren Hald Møllerip oqaaseqarfigerusunngilaa.
- Maanna oqaloqatigiileruttorpugut, tassungalu tunngasut ataasiakkaat oqaaseqarfigerusunngilakka, Søren Hald Møller Sermitsiamut oqarpoq.
