NunaMinerals aqagu marlunngornermi eqqartuussisutigoortinneqassaaq
NunaMineralsip pisortaa Ole Christiansen KNR-imut taama oqarpoq.
Aamma atuaruk NunaMineralsip annaanniarnera suli ilungersuutigineqarpoq
Tamanna Nunatta Eqqartuussiviani pissaaq, aatsitassanillu misissueqqissaartarfiup oqallisaaqisup atorunnaarnerata nalunaarutigineqarneranik kinguneqarnissaa ilimagineqarluni.
Aamma atuaruk NunaMinerals akiliisinnaajunnaarluni matusinnaanngorpoq
Suliffeqarfiup apriilip 19-iannili akiliisinnaajunnaarnini nalunaarutigaa. Siulersuisulli siulittaasuata Birks Bovardip atsiornera pappiaranngorlugu amigaatigineqarmat taanna aatsaat apriilip 29-anni pissarsiarineqareermat, akillisinnaajunnaartutut nalunaarutigineqartoq aatsaat atuutsinneqarsinnaalerpoq.
Naak NunaMinerals akillisinnaajunnaartutut pisortatigoortumik nalunaaruteqaraluartoq, suliffeqarfik annaanniarlugu suli suliniuteqartoqarpoq.
Taamaalilluni NunaMineralsimut aningaasaliisimasut marluk - tassaasut Koreamiut naalagaaffiata suliffeqarfiutaa Kores aamma Greenland Rare Earth Projektimi pisortaq Patrick Newman - aaqqiissutissamik suli ujaasipput - tamannalu pillugu aningaasaliisunut allanut aqagu saqqummiussissallutik.