NunaMinerals piffissaliussap sivitsoqqinnissaanik noqqaasoq

Aatsitassanik ujaasinermi misissuisarfiup NunaMineralsip, Namminersorlutik Oqartussanit ilaatigut pigineqartup, ingerlaannarsinnaanissaa pillugit suliniutit suli ingerlapput.
Allattoq Karsten Sommer
aggustip 11-at 2015 10:37
Nutserisoq Mads Lynge

Suliffeqarfik ukioq manna maajip ulluisa 15-ianni akiliisinnaajunnaartutut nalunaaruteqartoq, ukiumoortumik nalunaarusiorsinnaanissamut piffissaliussap sivitsorneqaqqinnissaanut maanna qinnuteqarpoq. NunaMinerals ullumi taama nalunaaruteqarpoq.

NunaMinerals ukiumoortumik nalunaarusiornissamut piffissaliussap kinguartinneqarsinnaanissaanut Inuussutissarsiornermut Qullersaqarfimmut qinnuteqaateqarsimavoq, ukiumoortumik nalunaarusiat ukioq manna septembarip naalernerani tunniunneqarsinnaanissaannut qinnuteqarluni.

AAMMA ATUARUK NunaMineralsip akiliisinnaajunaarnissamut nalunaaruteqarnissani kinguartippaa

NunaMineralsip missingersuutini ukioq manna juunip ulluisa 29-anni tunniuttussaagaluarpai, aggustilli 24-ani tunniunneqarsinnaanissaannut kinguartinneqarnissaannut akuersissuteqarfigineqarluni. Nalunaarusialli tunniunneqarnissaannut piffissap kinguarteqqinneqarnissaannut maanna qinnuteqartoqarpoq.

Ulloq taanna, aggustip ulluisa 24-at, suliffeqarfiup akiliisinnaajunnaarnerata sivitsorneqarneranut aamma naapertuuppoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq