Inuussutissarsiutit

NunaMineralsip akiliisinnaajunaarnissamut nalunaaruteqarnissani kinguartippaa

Nunamineralsip ajornartorsiornermini akilersuinermik unititsinera septembarip 30-iannut 2015 kinguartinneqarpoq. Nunatsinni Eqqatuussivik ippassaq juulip 17-ianni taama aalajangiivoq, piffissarmi killigititaagaluartoq ippassaq aamma naammat.

juulip 18-at 2015 17:28

Aatsitassanik ujaasititsisarfiup nammineerluni akilersuinermik unitsitsineq sivitsorusussimavaa, Nunaminerals tusagassiuutinut nalunaaarummini allappoq.

Suliffeqarfiup taassuma Namminersorlutik Oqartussat piginneqataaffigisaata ukiumoortumik nalunaarutimi tunniunnissaa augustip 24-iannut kinguartikkusussimavaa, taamanikkussamut akiliisinnaajunnaartutut nalunaarutigineqareersimanngikkuni, suliffeqarfik tusagassiuutinut nalunaaruteqarpoq.

Akiliisinnaajunnaarsinnaaneranik inatsisilerituut suliaqartut maaji qaammataagaa allapput piginneqatigiiffiup pigisai nalillit 264.000 koruuninik nalillit, akiitsuilu 30 millioner koruuningajaasut.

Grønlandsbanken tassaavoq akiitsoqarfigineqarnerpaasoq, 12 millioner koruuningajannik pissaqarami, aningaaserivilli NunaMineralsip pigisaani qularnaveeqqusersimavoq.

Namminersorlutik Oqartussat 8 millioner koruunit pissarai, taakkunannga 4,5 million kr-nit nunatta karsianut kiisalu Namminersorlutik Oqartussat aningaasaliinissamut piginneqatigiiffiat Greenland Holding 3,5 million koruninik pissaqarluni.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.