Inuussutissarsiutit

NunaMinerals akiligassaqarfimminit akiliisinnaajunnaartut nalunaarutigineqartoq

NunaMinerals akiligassaqarfigisaminit Nunatta Eqqartuussisuuneqarfianut akiliisinnaajunnaartutut nalunaarutigineqarsimanerminik nalunaarfigineqarsimavoq.

Allattoq Simon Uldum -

juunip 29-at 2016 04:31

Eqqartuussinissaq aqagu sisamanngornermi juunip 30-ani pissasoq, NunaMinerals ippassaq marlunngornermi ualikkut allappoq.

- Ingerlatseqatigiiffiup tamatuma kinguninngua akiligassaqarfimminut akiliinissamut aaqqiissuteqarnissamik siunnersuuteqarsinnaanissani neriuutigaa, NunaMinerals tusagassiorfinnut nalunaarutimini taama allappoq.

Aamma atuaruk NunaMinerals annakkallartoq

Aamma atuaruk NunaMineralsi akiliisinnaajunnaartutut nalunaarutigineqartoq

NunaMinerals maajip 15-iani aamma akiliisinnaajunnaartutut nalunaarutigineqarpoq, akissarsiallit ingerlatseqatigiiffimmit akiligassaqarfigineqartut taamani nalunaarutiginnittuullutik.

Ingerlatseqatigiiffiulli aningaasat pisariaqartinneqartut pissarsiarisinnaasimavai, akiliisinnaajunnartutullu nalunaarutiginninnerit marluusut pinngitsoortinneqarput eqqartuussivimmilu suliarineqartussaq taamatinneqarluni.

NunaMinerals aamma allappoq ingerlatseqatigiiffik aqagu sisamanngornermi eqqartuussisoqareerpat nalunaaruteqaqqikkumaarluni

Aamma atuaruk Nunamineralsip annaanniarnera ajornarneruleraluttuinnarpasippoq

Aamma atuaruk Namminersorlutik Oqartussat: NunaMinerals akiliisinnaajunnaartutut nalunaarutiginianngilarput