Nunamineralsip annaanniarnera ajornarneruleraluttuinnarpasippoq
![](/sites/default/files/styles/image_934x467/public/article_images/nunaminerals_logo2008_01_1.jpg?itok=HMcep_X0)
Piginneqatigiiffiup siuttui allaat toqqorsimarpasipput. Nunamineralsip akileraanerminik uninngatitsinerani nakkutillliisut, eqqartuussissuserisut Søren Aamann Jensen aamma Niels Hansen Damm, saaffiginnikkaluaraangata pisortaqarfik akineq ajorpoq.
Aamma atuaruk Namminersorlutik Oqartussat: NunaMinerals akiliisinnaajunnaartutut nalunaarutiginianngilarput
- Nakkutilliisut akileraanermik uninngatitsinerup naajartornerani piginneqatigiiffiup pisortaqarfianut saaffiginnittarput paasiniarlugu piginneqatigiiffimmik aaqqissuusseqqinniarneq sumut killinnersoq. Nakkutilliisulli akissutisineq ajorput, eqqartuussissuserisut piginneqatigiiffiup akiitsoqarfianut allapput.
Aamma atuaruk NunaMinerals ukioq ataaseq akiliisinnaajunnaaqqareerpoq
Akileraanermik uninngatitsineq ukiumik ataatsimi atuutereerluni sivitsoqqinneqarsinnaanani maajip 15-ani unippoq. Tassalu piginneqatigiiffiup akiitsoqarfii piginneqatigiiffiup akiliisinnaajunnaaneranik aalajanngiinissamik piumasaqarnissaminut maajip 15-aniiit sapaatit akunerannik pingasunik piffissaqarput.
Akiitsoqarfilli anneq, Namminersorlutik Oqartussat, nalunaarnikuupput, namminneq Nunamineralsip akiliisinnaajunnaanissaanik piumasaqarniarnatik, piginneqatigiiffiimmiit nalilinnik pissarsiassaqarsinnaaneq ilimananngimmat.