NunaMineralsi akiliisinnaajunnaartutut nalunaarutigineqartoq
Lars-Christian Sinkbæk, Pigisanik agguaassisarnermut eqqartuussivimmi eqqartuussisuugallartoq KNR-imut taama ilimatitsivoq.
NunaMineralsip akiliisinnaajunnaartutut nalunaarutigineqarnerata pigisanik agguaassisarnermut eqqartuussivimmi suliarineqarnissaanut ullumi qaaqqusisoqarpoq.
Suliarli marlunngorpamut kinguartinneqartoq, Lars-Christian Sinkbækip ilisimatitsissutigaa.
NunaMineralsip akiliisinnaajunnaartutut nalunaarutigineqarnerata atuuttussaanera maajip ulluisa 15-iannut killeqarpoq. Akiliisinnaajunnaartutut nalunaarutigineqarnerata ullup killiffia isumaqarpoq NunaMineralsip akiliisinnaajunnaartutut nalunaarutigineqarnissaa piumasarineqarsinnaasoq.
NunaMineralsilli akiliisinnaajunnaartutut nalunaarutigineqarnissaanut piumasaqartut akiligassaqarfiit akornanni qassiunersut, eqqartuussisuugallartup ilisimatitissutigerusunngilaa.
NunaMineralsip akiliisinnaajunnaarnermut inatsit naapertorlugu akiliisinnaassuseqanngitsutut nalilerneqarsinnaanissaa inatsisitigut tunngavissaqarnersoq ersarissumik takuneqarsinnaanngimmat, NunaMineralsimut tunngatillugu Pigisanik agguaassinermut eqqartuussivimmi suliaq kinguartinneqartariaqartoq, eqqartuussisuugallartup oqaatigaa.
Akiligassaqarfiit eqqartuussivimmi suliassanngortitaasa tulleriiaarneqarnerat Pigisanik agguaassinermut eqqartuussiviup nammineq aalajangertaraa, Lars-Christian Sinkbækip erseqqissaatigaa.
Akiliisinnaajunnaartutulli nalunaarutip taamaatiinnarneqarnissaa akiligassaqarfiit aalajangerpassuk suliamut atatillugu tulleriiaarinerit nalilersoqqinneqartarput.
