Nunakkut pisuttoq ajornartoornermi kalerrisaaruteqarsimasoq ujaarineqartoq
Nunakkut pisuttuartoq GPS-iminik ajornartoornermi tallimanngornermi ullaassakkut kalerrisaaruteqarsimasoq, Kalaallit Nunaanni politiit ilisimatitsipput.
Ilulissat Uummannallu akornanni nunakkut pisuttoq politiit aamma Issittumi Sakkutooqarfiup annaassiniartartuinit ujaarineqaleruttorpoq. Ujaarineqartoq GPS-iminik ajornartoornermi kalerrisaaruteqarsimavoq.
Allattoq Nicole Sander Bertelsen
aggustip 16-at 2024 08:12
Nutserisoq Mads Lynge
Ilulissap Uummannallu akornanni nunakkut pisuttoq ajornartoornermi tallimanngornermi ullaassakkut nalunaaqutaq sisamanut kalerrisaaruteqarsimasoq, Kalaallit Nunaanni Politiini pigaartut pisortaata Jaaku Andreassenip tallimannngornermi ullaakkut nalunaarutigaa.
- Qulimiguulik annaassiniarnermut SAR-imut atorneqartartoq, Issittumi Sakkutooqarfik suleqatigalugu aallartinneqarpoq, pineqartorlu ujaarineqaleruttorluni, sulili tamanna iluatsinnani, taanna oqarpoq.
Pisuttuartup qanoq issusia ilisimanagu politiit ilisimatitsissutigaat, itinerusumillu oqaaseqarsinnaanngikkallarlutik KNR-imut ilisimatitsissutigalugu. Pisorli malinnaavigivaat sukumiinerusumillu kingusinnerusukkut paasissutissiisinnaassallutik.
