Nukkaminik nassaarinnittumut 10.000 koruuninik akissarsisitsinissi neriorsuutigigaa

Annaassiniartartut ujaasinertik unitsippaat, angutilli 48-nik ukiullip pingasunngormalli maqaasineqartup ilaqutaasa suli ujaaraat.

Allattoq Anders Rytoft

juulip 10-at 2023 13:22

Nutserisoq Hanne Petersen

Ujaasineq arfininngormat unitsinneqarpoq.

Issittumi Sakkutooqarfik Facebookimi siusinnerusukkut nalunaarummini nutartikkami allappoq.

Angut 48-nik ukiulik maqaasineqartutut pingasunngormalli nalunaarutigineqartoq annaassiniartartut qulimiguuliutaannik, politiit angallataannik umiarsuarmillu alapernaarsuummik Knud Rasmussenimik ujaarineqareerluni nassaarineqanngitsoorpoq. Angut taanna Nuummiit Maniitsuliarluni pingasunngormat aallarpoq.

Angut taanna aallareernermini tutsiutinngimmat ilaqutaasa politiit attavigaat.

Aamma atuaruk Ulluni marlunni maqaasineqartoq: Angut 48-nik ukiulik suli ujaarineqartoq

Angutip taassuma umiatsiaa qaqortoq SeaStar 6000-eq aquuteralalik ujaasinermi aamma nassaarineqanngitsoorpoq.

- Qanorpiaq pisoqarsimanersoq nalulluinnaratsigu ilungersuavugut.

Angutip 48-nik ukiullip maqaasineqartup angajua, Lars Lillienskjold, taama oqarpoq.

Nukkani suli ajunngitsoq, taanna neriuttuarsinnarpoq.

- Angajutut piviusorsiortutullu oqassaguma suli ajunngitsoq ilimanarpallaanngilaq. Allatulli iliornissaqannginnatta suli ajunngitsoq soorunami neriutigaarput.

Lars Lillienskjold Danmarkimi najugaqarpoq, nukkamilu umiatsiaanik nassaartumut 10.000 koruuninik akissarsisitsinissi neriorsuutigalugu Facebookimi allataa siammarterneqaqattaarpoq.

- Kalaallit Nunaanni nassaartoq aningaasanik akissarsitissinnaallugu neriorsuivunga, taanna oqarpoq.

Angutip maqaasineqartup nuliata, jornguata illooraavisalu ilartik suli ujaarigaat, Lars Lillienskold aamma oqarpoq.

- Aningaasanik akissarsisitsinissannik neriorsuuteqarnera inuit 20-niit 50-it tungaannut amerlassusillit ujaaseqataanerannik kinguneqassappat qujanassaqaaq. Ajornartuuikkatta ikioqquvugut. Qanormi allatut iliussanerlunga naluara.

Lars Lillienskjold tissarlukunik nassaarsimasumit attavigineqarpoq, tissarlukullu taakku sumi nassaarineqarsimanersut aamma paasitinneqarpoq. Tissarlukulli taakku Lars Lillienskjoldip oqarnera naapertorlugu nukkami periarfeerunnissaanut qujanartumik ullualuit sioqqullugit nanineqarsimapput.

Periarfeerunneqarnissi nukkami kissaatigisimaneraa, Lars Lillienskjold ataasiaannarnani aperineqartarsimavoq.

- Tamatumunnga ima oqaannarsinnaavunga: Naamerluinnaq. Nuannaaqalunimi errnutartaami pissaanik naalungiarsunnut issiavilisarluni Maniitsuliarluni aallarpoq, taanna oqarpoq.